• English
  • ភាសាខ្មែរ
  • Chinese

ផ្សព្វផ្សាយ

កម្មករ កម្មការិនី នៃក្រុមហ៊ុន ខាយណេង ចូលរួមបច្ច័យទិញបង្គោលភ្លើង និងអំពូលសូឡឺ ដាក់បំភ្លឺផ្លូវចូលវត្ដ សិលាចរិក (ហៅវត្ដ ក្ដីត្រឹប)

កម្មករ កម្មការិនី នៃក្រុមហ៊ុន ខាយណេង ចូលរួមបច្ច័យទិញបង្គោលភ្លើង និងអំពូលសូឡឺ ដាក់បំភ្លឺផ្លូវចូលវត្ដ សិលាចរិក (ហៅវត្ដ ក្ដីត្រឹប)

កំពង់ឆ្នាំង៖ នៅរសៀលថ្ងៃទី១២ ខែធ្នូ ឆ្នាំ២០២៣ កម្មករ កម្មការិនី នៃក្រុមហ៊ុន ខាយណេង លេឌើរ ប្រដាក់ (ខេមបូឌា) ឯ.ក ស្ថិតនៅភូមិផ្សារត្រាច ឃុំលង្វែក ស្រុកកំពង់ត្រឡាច ខេត្ដកំពង់ឆ្នាំង បានចូលរួមជាបច្ច័យជាមួយមូលនិធិសប្បុរសធម៌ដើម្បីសុភមង្គលកម្មករ ដើម្បីយកទៅទិញបង្គោលភ្លើង និងអំពូលសូឡឺ ដាក់បំភ្លឺផ្លូវចូលវត្ដសិលាចរិក (ហៅវត្ដក្ដីត្រឹប) ចាប់ពីផ្លូវជាតិលេខ១ ចូលមកដល់ខ្លោងទ្វារវត្ដចំងាយ ២,៥០០ម៉ែត្រ ដែលស្ថិតនៅភូមិព្រំខ្សាច់ ឃុំល្វា ស្រុកព្រះស្ដេច ខេត្ដព្រៃវែង។ បច្ច័យប្រមូលបានពីកម្មករ កម្មការិនី ប្រចាំក្រុមហ៊ុន ខាយណេង លេឌើរ ប្រដាក់ (ខេមបូឌា) ឯ.ក ចូលរួមជាបច្ច័យចំនួន ២០០,០០០រៀល៕

តំណាងសហជីពទឹកចិត្ដកម្មករកម្ពុជា ជួបប្រជុំជាមួយមន្រ្ដីមន្ទីរការងារ និងបណ្ដុះបណ្ដាលវិជ្ជាជីវៈ ខេត្ដកំពង់ស្ពឺ ពិនិត្យលើការព្យួរកិច្ចសន្យាការងារ

តំណាងសហជីពទឹកចិត្ដកម្មករកម្ពុជា ជួបប្រជុំជាមួយមន្រ្ដីមន្ទីរការងារ និងបណ្ដុះបណ្ដាលវិជ្ជាជីវៈ ខេត្ដកំពង់ស្ពឺ ពិនិត្យលើការព្យួរកិច្ចសន្យាការងារ

កំពង់ស្ពឺ៖ នៅថ្ងៃទី១២ ខែធ្នូ ឆ្នាំ២០២៣ តំណាងសហជីពទឹកចិត្ដកម្មករកម្ពុជា នៃក្រុមហ៊ុន ស៊ីអិនឌឺហ្រ្គី អ៊ិនធើណេសិនណល (ខេអេច) ឯ.ក បានជួបប្រជុំពិភាក្សាជាមួយមន្រ្ដីមន្ទីរការងារ និងបណ្ដុះបណ្ដាលវិជ្ជាជីវៈ ខេត្ដកំពង់ស្ពឺ និងខាងក្រុមហ៊ុន ដើម្បីពិនិត្យមើលលើការព្យួរកិច្ចសន្យាការងារកម្មករ កម្មការិនី ក្នុងក្រុមហ៊ុន ស៊ីអិនឌឺហ្រ្គី អ៊ិនធើណេសិនណល (ខេអេច) ឯ.ក ដែលមានទីតាំងស្ថិតនៅភូមិតាម៉ុល សង្កាត់ច្បារមន ក្រុងច្បារមន ខេត្ដកំពង់ស្ពឺ។ នាឱកាសនោះ ក្រុមហ៊ុនក៏បានពន្យល់អំពីស្ថានភាពជាក់ស្ដែងរបស់ក្រុមហ៊ុន ទៅកាន់មន្រ្ដីពាក់ព័ន្ធ និងតំណាងសហជីពឱ្យបានដឹងលឺ ព្រោះបច្ចុប្បន្នក្រុមហ៊ុនខ្វះអ្នកបញ្ជាទិញ និងការបញ្ជាទិញពុំមានគ្រប់គ្រាន់ ដែលជាហេតុមិនអាចឱ្យសង្វាក់ផលិតកម្មដំណើរការបាន។ ក្រុមហ៊ុនសម្រេចចិត្ដធ្វើការព្យួរកិច្ចសន្យាការងាររបស់កម្មករនិយោជិតចំនួន ៧២៦នាក់ (ស្រី ៥៤៧នាក់) ក្នុងចំណោមកម្មករនិយោជិតសរុប ១,០៧៣នាក់ (ស្រី ៧៩១នាក់) រយៈពេលព្យួរចំនួន ៤៩ថ្ងៃ ដោយគិតចាប់ពីថ្ងៃទី១៤ ខែធ្នូ ឆ្នាំ២០២៣ ដល់ថ្ងៃទី៣១ ខែមករា ឆ្នាំ២០២៤។ ក្នុងរយៈពេលព្យួរកិច្ចសន្យាការងារ ក៏មានកិច្ចព្រមព្រៀងរវាងក្រុមហ៊ុន ស៊ីអិនឌឺហ្រ្គី អ៊ិនធើណេសិនណល (ខេអេច...

តំណាងសហជីពជំនឿចិត្ដកម្មករកម្ពុជា ផ្ដល់ប្រាក់ឧប្ថម្ភជូនសមាជិក ជាសាច់ញ្ញាតិ ដែលទទួលរងគ្រោះថ្នាក់ចរាចរណ៍ដល់អាយុជីវិត

តំណាងសហជីពជំនឿចិត្ដកម្មករកម្ពុជា ផ្ដល់ប្រាក់ឧប្ថម្ភជូនសមាជិក ជាសាច់ញ្ញាតិ ដែលទទួលរងគ្រោះថ្នាក់ចរាចរណ៍ដល់អាយុជីវិត

កំពង់ស្ពឺ៖ នៅថ្ងៃទី១២ ខែធ្នូ ឆ្នាំ២០២៣ តំណាងសហជីពជំនឿចិត្ដកម្មករកម្ពុជា នៅក្នុងក្រុមហ៊ុន ឡូរិន ហ៊្វូតវែរ ឯ.ក ស្ថិតនៅភូមិសង្រ្គោះជាតិ ឃុំត្រពាំងគង ស្រុកសំរោងទង ខេត្ដកំពង់ស្ពឺ បានផ្ដល់ប្រាក់ឧប្ថម្ភដល់សាច់ញ្ញាតិសមាជិកដែលទទួលរងគ្រោះថ្នាក់ចរាចរណ៍កាលពីថ្ងៃទី១ ខែធ្នូ ឆ្នាំ២០២៣ រហូតដល់បាត់បង់ជីវិត។ សមាជិកដែលរងគ្រោះមានឈ្មោះ ហុង លីហ័រ ភេទប្រុស អត្តលេខLR31.85 ក្រុមបាត ធ្វើការនៅក្រុមហ៊ុន ឡូរិន ហ៊្វូតវែរ ឯ.ក។ តំណាងសហជីពជំនឿចិត្ដកម្មករកម្ពុជាបានផ្ដល់ថវិកាឧប្ថម្ភជូនដល់សាច់ញ្ញាតិចំនួន ២០០,០០០រៀល និងធ្វើការរៃអង្គាសពីបងប្អូនកម្មករបានចំនួន ៣៥,០០០រៀល។ សរុបថវិកាបានចំនួន ២៣៥,០០០រៀល ជូនដល់សាច់ញ្ញាតិនៃសព៕

តំណាងសហជីពទឹកចិត្ដកម្មករកម្ពុជា នៃក្រុមហ៊ុន ទៀនថេកស្ដាយ  បញ្ជូនសមាជិកដែលមិនស្រួលខ្លួនទៅមន្ទីពេទ្យ

តំណាងសហជីពទឹកចិត្ដកម្មករកម្ពុជា នៃក្រុមហ៊ុន ទៀនថេកស្ដាយ បញ្ជូនសមាជិកដែលមិនស្រួលខ្លួនទៅមន្ទីពេទ្យ

កំពង់ស្ពឺ៖ វេលាម៉ោងប្រមាណជា៩ព្រឹក ថ្ងៃទី១១ ខែធ្នូ ឆ្នាំ២០២៣ នៅក្រុមហ៊ុន ទៀន ថេកស្ដាយ (ខេមបូឌា) ឯ.ក ស្ថិតនៅភូមិដូនកែវ ឃុំសែនដី ស្រុកសំរោងទង ខេត្ដកំពង់ស្ពឺ មានកម្មការិនីឈ្មោះ ឃឿន ម៉ារីណា អត្ដលេខ៦៩៨ ផ្នែកតុកាត់ មានអាការៈមិនសូវស្រួលខ្លួន រៀបនឹងសន្លប់ ត្រូវបានតំណាងសហជីពទឹកចិត្ដកម្មករកម្ពុជា បញ្ជូនទៅមន្ទីពេទ្យភ្លាមៗដើម្បីពិនិត្យ និងតាមដានជម្ងឺ៕

តំណាងសហជីពទឹកចិត្ដកម្មករកម្ពុជា នៃរោចក្រ ញ៉ូ អេធីធី ស៊ូ ម៉េកឃីង (ខេមបូឌា) ឯ.ក ជួបប្រជុំជាមួយមន្រ្ដី ILO-BFC

តំណាងសហជីពទឹកចិត្ដកម្មករកម្ពុជា នៃរោចក្រ ញ៉ូ អេធីធី ស៊ូ ម៉េកឃីង (ខេមបូឌា) ឯ.ក ជួបប្រជុំជាមួយមន្រ្ដី ILO-BFC

កំពង់ស្ពឺ៖ នៅថ្ងៃទី១១ ខែធ្នូ ឆ្នាំ២០២៣ តំណាងសហជីពទឹកចិត្ដកម្មករកម្ពុជា នៃរោងចក្រ ញ៉ូ អេធីធី ស៊ូ ម៉េកឃីង (ខេមបូឌា) ឯ.ក បានចូលរួមប្រជុំពីរបៀបដោះស្រាយបញ្ហា និងបញ្ហាមួយចំនួនដែលកើតមាននាពេលកន្លងមក នៅក្រុមហ៊ុន ញ៉ូ អេធីធី ស៊ូ ម៉េកឃីង (ខេមបូឌា) ឯ.ក ស្ថិតនៅភូមិរំដួល ឃុំត្រពាំងគង ស្រុកសំរោងទង ខេត្ដកំពង់ស្ពឺ។ នាជំនួបនោះមានភាគីខាងក្រុមហ៊ុន មន្រ្ដី ILO-BFC និងតំណាងសហជីពទឹកចិត្ដកម្មករកម្ពុជាចូលរួមផងដែរ។ មន្រ្ដី ILO-BFC ក៏បានណែនាំពីរបៀបដោះស្រាយបញ្ហានៅកន្លែងការងារ និងណែនាំឱ្យតំណាងសហជីពរៀបចំឯកសារដែលកម្មករស្ម័គ្រចិត្ដផ្ដិតមេដៃចូលជាសមាជិកសហជីពទុកដាក់ឱ្យបានត្រឹមត្រូវ ដើម្បីថ្ងៃក្រោយមន្រ្ដី ILO-BFC ចុះមកពិនិត្យម្ដងទៀត៕

លោក សូត្រ សុជាតិ ចុះពង្រឹងសហជីពមូលដ្ឋាន នៅក្រុមហ៊ុន ខេនផាក (ខេមបូឌា) ឯ.ក

លោក សូត្រ សុជាតិ ចុះពង្រឹងសហជីពមូលដ្ឋាន នៅក្រុមហ៊ុន ខេនផាក (ខេមបូឌា) ឯ.ក

កណ្តាល៖ នៅថ្ងៃទី១១ ខែធ្នូ ឆ្នាំ២០២៣ ដោយមានការអនុញ្ញាតិពី ឯកឧត្ដម លី វិចិត្រ ប្រធានសហភាពសហជីពសុភមង្គលកម្មករកម្ពុជា និងជាប្រធានសហព័ន្ធសហជីពទឹកចិត្ដកម្មករកម្ពុជា លោក សូត្រ សុជាតិ មន្រ្ដីសហភាពសហជីពសុភមង្គលកម្មករកម្ពុជា បានចុះទៅសួរសុខទុក្ខថ្នាក់ដឹកនាំសហជីពទឹកចិត្ដកម្មករកម្ពុជា នៃរោងចក្រ ខេនផាក (ខេមបូឌា) ឯ.ក ស្ថិតនៅភូមិចំការស្លែង ឃុំព្រៃពួច ស្រុកអង្គស្នួល ខេត្ដកណ្ដាល។ ឆ្លៀតក្នុងឱកាសនោះ លោក សូត្រ សុជាតិ ក៏បានណែនាំទៅកាន់ថ្នាក់ដឹកនាំសហជីពមូលដ្ឋានអំពីការផ្សព្វផ្សាយគោលការណ៍សហជីពដែលជួយដល់បងប្អូនជាសមាជិក និងបានជម្រុញឱ្យថ្នាក់ដឹកនាំសហជីពជួយធ្វើការផ្សព្វផ្សាយពីអត្ថប្រយោជន៍ថ្មីៗរបស់ ប.ស.ស ដល់សមាជិក ប.ស.ស ក្នុងបន្ទុកដើម្បីកាត់បន្ថយការចំណាយពេលទៅពេទ្យព្យាបាលជម្ងឺម្ដងៗ៕

ក្រុមហ៊ុន ស៊ីអិនឌឺហ្គ្រី និងកម្មករ កម្មការិនី ចូលរួមបច្ច័យទិញបង្គោលភ្លើង និងអំពូលសូឡឺ ដាក់បំភ្លឺផ្លូវចូលវត្ដ សិលាចរិក (ហៅវត្ដ ក្ដីត្រឹប)

ក្រុមហ៊ុន ស៊ីអិនឌឺហ្គ្រី និងកម្មករ កម្មការិនី ចូលរួមបច្ច័យទិញបង្គោលភ្លើង និងអំពូលសូឡឺ ដាក់បំភ្លឺផ្លូវចូលវត្ដ សិលាចរិក (ហៅវត្ដ ក្ដីត្រឹប)

កំពង់ស្ពឺ៖ នៅរសៀលថ្ងៃទី០៩ ខែធ្នូ ឆ្នាំ២០២៣ ក្រុមហ៊ុន ស៊ីអិនឌឺហ្រ្គី អ៉ិនធើណេសិនណល (ខេអេច) ឯ.ក និងកម្មករ កម្មការិនីដែលធ្វើក្នុងក្រុមហ៊ុន ស៊ីអិនឌឺហ្រ្គី ស្ថិតនៅភូមិតាម៉ុល សង្កាត់ច្បាម៉ន ក្រុងច្បាម៉ន ខេត្ដកំពង់ស្ពឺ បានចូលរួមជាបច្ច័យជាមួយមូលនិធិសប្បុរសធម៌ដើម្បីសុភមង្គលកម្មករ ដើម្បីយកទៅទិញបង្គោលភ្លើង និងអំពូលសូឡឺ ដាក់បំភ្លឺផ្លូវចូលវត្ដសិលាចរិក (ហៅវត្ដក្ដីត្រឹប) ចាប់ពីផ្លូវជាតិលេខ១ ចូលមកដល់ខ្លោងទ្វារវត្ដចំងាយ ២,៥០០ម៉ែត្រ ដែលស្ថិតនៅភូមិព្រំខ្សាច់ ឃុំល្វា ស្រុកព្រះស្ដេច ខេត្ដព្រៃវែង។ បច្ច័យប្រមូលបានរួមមាន៖ កម្មករ កម្មការិនី ប្រចាំក្រុមហ៊ុន ស៊ីអិនឌឺហ្រ្គី ចូលរួមជាបច្ច័យចំនួន ៣៦៤,៤០០រៀល ក្រុមហ៊ុន ស៊ីអិនឌឺហ្រ្គី អ៉ិនធើណេសិនណល (ខេអេច) ឯ.ក ចូលរួមជាបច្ច័យចំនួន 100$ សរុបមានចំនួន ៣៦៤,៤០០រៀល និង ១០០ដុល្លា៕

សហជីពទឹកចិត្ដកម្មករកម្ពុជា ផ្ដល់ប្រាក់ឧបត្ថម្ភជូនសមាជិកពេលកំពុងមានជម្ងឺ

សហជីពទឹកចិត្ដកម្មករកម្ពុជា ផ្ដល់ប្រាក់ឧបត្ថម្ភជូនសមាជិកពេលកំពុងមានជម្ងឺ

កំពង់ស្ពឺ៖ នៅថ្ងៃទី៩ ខែធ្នូ ឆ្នាំ២០២៣ ក្រុមការងារសហជីពទឹកចិត្ដកម្មករកម្ពុជា នៃក្រុមហ៊ុន ហុង ធីហ្សឺ ហ៊្វុង លេឌើរ (ខេមបូឌា) ឯ.ក ស្ថិតនៅភូមិគីរីរស្មី ឃុំព្រៃរំដួង ស្រុកភ្នំស្រួច ខេត្ដកំពង់ស្ពឺ បានធ្វើការប្រគល់ថវិកាឧបត្ថម្ភចំនួន ២៤៣,៤០០រៀល ដើម្បីជួយដល់សមាជិកម្នាក់ឈ្មោះ យ៉ឹម ប៉ឺម អត្ដលេខ FCT-1079 ផ្នែកតុកាត់ ដែលមានជម្ងឺរហូតដល់មានការវះកាត់។ បញ្ជាក់៖ ថវិកាឧបត្ថម្ភនេះបានមកពីការរៃអង្គាសពីសមាជិក និងបងប្អូនកម្មករដែលកំពុងបំរើការក្នុងក្រុមហ៊ុន ហុង ធីហ្សឺ ហ៊្វុង លេឌើរ (ខេមបូឌា) ឯ.ក៕

លោក សែ ចិត ប្រធានសហជីពទឹកចិត្ដកម្មករកម្ពុជា នៃក្រុមហ៊ុន វេនធូរ៉ា ផ្ដល់ប្រាក់ឧប្ថម្ភជូនសមាជិកដែលកំពុងជួបទុក្ខលំបាក

លោក សែ ចិត ប្រធានសហជីពទឹកចិត្ដកម្មករកម្ពុជា នៃក្រុមហ៊ុន វេនធូរ៉ា ផ្ដល់ប្រាក់ឧប្ថម្ភជូនសមាជិកដែលកំពុងជួបទុក្ខលំបាក

កំពង់ស្ពឺ៖ នៅថ្ងៃទី៨ ខែធ្នូ  ឆ្នាំ២០២៣  លោក សែ ចិត ប្រធានសហជីពទឹកចិត្តកម្មករកម្ពុជា នៃក្រុមហ៊ុន វេនធូរ៉ា និងក្រុមការងារ ជំនួសមុខឱ្យ ឯកឧត្តម លី វិចិត្រ ប្រធានសហព័ន្ធសហជីពទឹកចិត្តកម្មករកម្ពុជា បានធ្វើការរៃអង្គាសថវិកាបងប្អូនកម្មករ កម្មការិនី ដែលកំពុងបំរើការនៅក្រុមហ៊ុន វេនធូរ៉ា លេឌើវែរ អឹមអេហ្វវ៉ាយ (ស៊ីឌី) ឯ.ក ដែលស្ថិតនៅបណ្ដោយផ្លូវជាតិលេខ៤១ ភូមិវាលវង់ ឃុំសែនដី ស្រុកសំរោងទង ខេត្ដកំពង់ស្ពឺ ជូនកម្មការិនីម្នាក់ឈ្មោះ ដាង ដីម អត្ថលេខ១៦០១៥ ផ្នែកដេរ ក្រុមE12 ដោយសារម្ដាយរបស់គាត់បានទទួលមរណៈភាព។ ថវិកាប្រគល់ជូនកម្មការិនីឈ្មោះ ដាង ដីម មានចំនួនទឹកប្រាក់សរុប ២៦៣,០០០រៀល។ លោក សែ ចិត និងក្រុមការងារសហជីពទឹកចិត្ដកម្មករកម្ពុជា សូមចូលរួមរំលែកទុក្ខដ៏ក្រៀមក្រំបំផុតនេះជាមួយក្រុមគ្រួសារនៃសព និងសូមដួងវិញ្ញាណក្ខ័ន្ធរបស់ម្ដាយកម្មការិនី ដាង ដីម ទៅកាន់សុគតិភពកុំបីឃ្លៀងឃ្លាតឡើយ។ ជាចុងក្រោយក្រុមការងារសហជីពទឹកចិត្ដកម្មករកម្ពុជា នៃក្រុមហ៊ុន វេនធូរ៉ា សូមជូនបុណ្យកុសលទាំងនេះ ដល់បងប្អូនកម្មករ កម្មការិនីប្រចាំក្រុមហ៊ុនវេនធូរ៉ាទាំងអស់ ទទួលបានបុណ្យស្មើៗគ្នា៕

សហជីពទឹកចិត្ដកម្មករកម្ពុជា និងមន្រ្ដី ប.ស.ស ចុះផ្សព្វផ្សាយពីអត្ថប្រយោជន៍ បុគ្គលស្វ័យនិយោជន៍ និងចែកស្រោមអនាម័យជូនកម្មករ កម្មការិនី

សហជីពទឹកចិត្ដកម្មករកម្ពុជា និងមន្រ្ដី ប.ស.ស ចុះផ្សព្វផ្សាយពីអត្ថប្រយោជន៍ បុគ្គលស្វ័យនិយោជន៍ និងចែកស្រោមអនាម័យជូនកម្មករ កម្មការិនី

កំពង់ស្ពឺ÷ នៅព្រឹកថ្ងៃទី៥ ខែធ្នូ ២០២៣ មន្រ្ដី ប.ស.ស បានចុះផ្សព្វផ្សាយពីអត្ថប្រយោជន៍ពីការចុះឈ្មោះជាបុគ្គលស្វ័យនិយោជន៍ និងអ្នកនៅក្នុងបន្ទុកគ្រួសាររបស់សមាជិក ប.ស.ស ជូនដល់កម្មករ កម្មការិនី នៅក្នុងក្រុមហ៊ុន មីឡានណា លេឌើរវែរ អឹម.អេហ្វ.វ៉ាយ (ខេមបូឌា) ឯ.ក ស្ថិតនៅភូមិក្របីត្រាំ ឃុំជង្រុក ស្រុកគងពិសី ខេត្តកំពង់ស្ពឺ។ ក្នុង​ឱកាសនោះ មន្រ្ដី ប.ស.ស ក៏បានអញ្ជើញ តំណាងសហជីពទឹកចិត្ដកម្មករកម្ពុជា នៃក្រុមហ៊ុន មីឡានណា លេឌើវែរ អឹម.អេហ្វ.វ៉ាយ (ខេមបូឌា) ឯ.ក ចូលរួមក្នុងកម្មវិធីផ្សព្វផ្សាយនេះផងដែរ។ មិនត្រឹមតែពន្យល់ពីអត្ថប្រយោជន៍ពលរដ្ឋដែលជាបុគ្គលស្វ័យនិយោជន៍ និងអ្នកនៅក្នុងបន្ទុកគ្រួសាររបស់សមាជិក ប.ស.ស ប៉ុណ្ណោះទេ ថែមទាំងមានការពន្យល់ពីការប្រើប្រាស់ស្រោមអនាម័យ និងចែកស្រោមអនាម័យដល់បងប្អូនកម្មករ កម្មការិនីដែលកំពុងបំរើការក្នុងក្រុមហ៊ុន មីឡានណានេះផងដែរ៕

លោក អ៉ឹម ស៊ីថាត ចុះជួបពិភាក្សាកាងារជាមួយក្រុមហ៊ុន ស៊ីអិនដឺហ្គ្រី

លោក អ៉ឹម ស៊ីថាត ចុះជួបពិភាក្សាកាងារជាមួយក្រុមហ៊ុន ស៊ីអិនដឺហ្គ្រី

កំពង់ស្ពឺ÷ ថ្ងៃទី៤ ខែធ្នូ ឆ្នាំ២០២៣ ដោយមានការអនុញ្ញាតិពីឯកឧត្តម លី វិចិត្រ ប្រធាន​សហភាពសហជីពសុភមង្គលកម្មករកម្ពុជា លោក អ៉ឹម ស៊ីថាត បានចុះជួបពិភាក្សាការងារមួយចំនួនជាមួយភាគីក្រុមហ៊ុន ស៊ីអិនដឺហ្គ្រី ស្ថិតនៅភូមិតាម៉ុល សង្កាត់ច្បារមន ក្រុងច្បារមន ក្នុងការពង្រឹងការងារ និងលក្ខខណ្ឌការងារ។

កម្មករ​រោងចក្រ ខាយណេង ច្រើនរូប ស្ម័គ្រចិត្តចូលជាសមាជិក​សហជីព​ទឹកចិត្តកម្មករកម្ពុជា

កម្មករ​រោងចក្រ ខាយណេង ច្រើនរូប ស្ម័គ្រចិត្តចូលជាសមាជិក​សហជីព​ទឹកចិត្តកម្មករកម្ពុជា

កំពង់ឆ្នាំង÷ថ្ងៃទី០២ ខែធ្នូ ឆ្នាំ២០២៣ កម្មករ កម្មការិនី របស់ក្រុមហ៊ុន ខាយណេង លេឌើរ ប្រដាក់ (ខេមបូឌា) ឯ.ក  ស្ថិតនៅភូមិ​ផ្សារត្រាច ឃុំលង្វែក ស្រុក​កំពង់ត្រាច ខេត្តកំពង់ឆ្នាំង មានចំនួន ៥០នាក់ បានស្ម័គ្រចិត្តចូលជាសមាជិកសហជីពទឹកចិត្តកម្មករកម្ពុជា នៃក្រុមហ៊ុន ខាយណេង លេឌើរប្រដាប់ (ខេមបូឌា ) ឯ.ក៕

បង់លុយតិច តែទទួលបានអត្ថប្រយោជន៍ច្រើន

បង់លុយតិច តែទទួលបានអត្ថប្រយោជន៍ច្រើន

អត្ថប្រយោជន៍សំខាន់ៗដែលបុគ្គលស្វ័យនិយោជន៍ និងអ្នកក្នុងបន្ទុកប.ស.ស.ទទួលបានពីគោលនយោបាយថ្មីរបស់រដ្ឋាភិបាល បេឡាជាតិសន្តិសុខសង្គម (ប.ស.ស.) នៃក្រសួងការងារ និងបណ្តុះបណ្តាលវិជ្ជាជីវៈ បានបង្ហាញពីអត្ថប្រយោជន៍សំខាន់ៗចំនួន៣ប្រភេទដែលបុគ្គលស្វ័យនិយោជន៍ និងអ្នកក្នុងបន្ទុកសមាជិកប.ស.ស. ទទួលបានដោយចំណាយត្រឹម១៥ ៦០០ រៀលក្នុង១ខែតាមរយៈគោលនយោបាយថ្មីរបស់ប្រមុខរាជរដ្ឋាបាលកម្ពុជាដែលបានប្រកាសដាក់ចេញកាលពីថ្ងៃទី១៤ ខែវិច្ឆិកា ឆ្នាំ២០២៣កន្លងទៅនេះ។ អត្ថប្រយោជន៍សំខាន់ៗទាំងនោះរួមមាន ទី១. ការទទួលបានសេវាពិនិត្យ ពិគ្រោះយោបល់ ព្យាបាល និងថែទាំ ទី២. ការទទួលបានប្រាក់បំណាច់មាតុភាព និងទី៣. ការទទួលបានប្រាក់វិភាជន៍បូជាសព។  បន្ថែមពីនេះ សមាជិក ប.ស.ស. ជាបុគ្គលស្វ័យនិយោជន៍ និងអ្នកក្នុងបន្ទុកសមាជិក ប.ស.ស. ទាំងអស់អាចពិនិត្យពិគ្រោះយោបល់ និងព្យាបាលជំងឺ នៅគ្រប់មន្ទីរពេទ្យជាដៃគូ ប.ស.ស. ទូទាំងប្រទេស ដោយឥតគិតថ្លៃ។ ប្រជាពលរដ្ឋដែលជាបុគ្គលស្វ័យនិយោជន៍ និង អ្នកក្នុងបន្ទុកសមាជិក ប.ស.ស. សូមអញ្ជើញទៅកាន់ទីស្នាក់ការ ប.ស.ស. ដែលនៅជិតលោកអ្នកទូទាំងប្រទេស ឬទំនាក់ទំនងមកកាន់លេខ ១២៨៦ ឬតាមរយៈប្រព័ន្ធផ្សព្វផ្សាយបណ្ដាញសង្គមរបស់ ប.ស.ស.៕

សហភាពសហជីពសុភមង្គលកម្មករកម្ពុជា-CCWF ប្រជុំប្រចាំឆ្នាំ និងលើកទិសដៅសម្រាប់ឆ្នាំក្រោយ

សហភាពសហជីពសុភមង្គលកម្មករកម្ពុជា-CCWF ប្រជុំប្រចាំឆ្នាំ និងលើកទិសដៅសម្រាប់ឆ្នាំក្រោយ

ភ្នំពេញ៖ថ្ងៃទី៣ ខែធ្នូ ឆ្នាំ២០២៣ នៅទីស្នាក់ការសហភាពសហជីពសុភមង្គលកម្មករកម្ពុជា-CCWF ស្ថិតនៅភូមិក្រាំងស្វាយ សង្កាត់ព្រែកកំពឹស ខណ្ឌដង្កោ រាជធានីភ្នំពេញ ឯកឧត្ដម លី វិចិត្រ ប្រធានសហភាពសហជីពសុភមង្គលកម្មករកម្ពុជា បានដឹកនាំគណៈកម្មាការប្រតិបត្តិនៃសហភាពសហជីពសុភមង្គលកម្មករកម្ពុជាប្រជុំប្រចាំឆ្នាំ និងលើកទិសដៅសម្រាប់ឆ្នាំ២០២៤ខាងមុខនេះ ដើម្បីរៀបចំការងារសំដៅឱ្យមានប្រសិទ្ធិភាព និងលទ្ធផលកាន់តែប្រសើរជាងឆ្នាំនេះ។ ក្នុងឱកាសនោះ ឧត្ដម លី វិចិត្រ បានលើកឡើងថាការពង្រឹងសមត្ថភាពថ្នាក់ដឹកនាំគឺជាកត្តាដ៏សំខាន់ដែលធ្វើឱ្យអង្គភាពកាន់តែរឹងមាំុ។ បច្ចុប្បន្ននេះមានការផ្ដល់អត្ថប្រយោជន៍ជូនបងប្អូនកម្មករប្រសើរជាងមុន បន្ទាប់ពីរាជរដ្ឋាភិបាលចុះសួរសុខទុក្ខកម្មករកម្មការិនីកន្លងមក ដូចនេះអត្ថប្រយោជន៍ដែលទទួលបានទាំងនេះ ត្រូវព្យាយាមផ្សព្វផ្សាយដល់សមាជិក និងស្វែងយល់បន្ថែម​ពីបទបញ្ញតិថ្មីទៀត។ ធ្វើយ៉ាងណាឱ្យបងប្អូនកម្មករយល់ឱ្យកាន់តែច្បាស់ ដើម្បីបញ្ជៀសការធ្វើកូដកម្មទាមទារណាមួយដែលធ្វើឱ្យបាត់បង់ផលប្រយោជន៍ទាំងសងខាង គឺខាងថៅកែ និងខាងកម្មករ។ ឯកឧត្ដមក៏បានណែនាំទៅដល់គ្រប់គោលដៅទាំងអស់ត្រូវបន្ដការពិភាក្សាជាមួយក្រុមហ៊ុនក្នុងការធ្វើភាពជាតំណាងបំផុត (MR...

ក្រុមហ៊ុន អ៊ីស្ដក្រោន ចូលរួមបរិច្ចាគថវិកា សម្រាប់ទិញបង្គោលភ្លើង និងអំពូលសឡា

ក្រុមហ៊ុន អ៊ីស្ដក្រោន ចូលរួមបរិច្ចាគថវិកា សម្រាប់ទិញបង្គោលភ្លើង និងអំពូលសឡា

ភ្នំពេញ៖ នៅថ្ងៃទី២ ខែធ្នូ ឆ្នាំ២០២៣ លោក ផឹង ធាឈីវ តំណាងក្រុមហ៊ុន អុីស្ដក្រោន ហ៊្វូតវែរ អុិនដាសស្រ្ទី ឯ.ក ស្ថិតនៅភូមិរកា សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ បានចូលរួមបរិច្ចាគថវិកាចំនួន ៣០០ដុល្លា សម្រាប់ទិញបង្គោលភ្លើង និងអំពូលសឡា ដាក់បំពាក់តាមផ្លូវច្រកចូលវត្ដសិលាចារិក ហៅវត្ដក្ដីត្រឹប ពីផ្លូវជាតិលេខ១ ចូលរហូតដល់ខ្លោងទ្វាវត្ដ ដែលមានចំងាយ ២,៥០០ម៉ែត្រ ស្ថិតនៅភូមិព្រំខ្សាច់ ឃុំល្វា ស្រុកព្រះស្ដេច ខេត្ដព្រៃវែង តាមរយៈមូលនិធិសប្បុរសធម៌ ដើម្បី សុភមង្គលកម្មករ។  លោក លី វិចិត្រ ប្រធានមូលនិធិក៏បានថ្លែងអំណរគុណដល់ម្ចាស់ក្រុមហ៊ុន អុីស្ដក្រោន និងគោរពជូនចំពោះក្រុមហ៊ុន អុីស្ដក្រោន ហ៊្វូតវែរ អុិនដាសស្រ្ទី ឯ.ក ប្រកបដោយកិច្ចការរកស៊ីឱ្យរីកចម្រើន និងជួបប្រទះពុទ្ធពរទាំងបួនប្រការ៖ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕

សហភាពសហជីពសុភមង្គលកម្មករកម្ពុជា ចេញញត្ដិថ្កោលទោស ទណ្ឌិត សម រង្ស៊ី

សហភាពសហជីពសុភមង្គលកម្មករកម្ពុជា ចេញញត្ដិថ្កោលទោស ទណ្ឌិត សម រង្ស៊ី

ភ្នំពេញ៖ នៅថ្ងៃទី២ ខែធ្នូ ឆ្នាំ២០២៣ សហភាពសហជីពសុភមង្គលកម្មករកម្ពុជា ចេញញត្ដិថ្កោលទោស ទណ្ឌិត សម រង្ស៊ី      យើងខ្ញុំជាថ្នាក់ដឹកនាំ សហភាពសហជីពសុភមង្គលកម្មករកម្ពុជា តំណាងឱ្យកម្មករនិយោជិតចំនួនជាង៤០,៧៧៥ នាក់ នៅក្នុងវិស័យវាយនភ័ណ្ឌ សូមប្រកាសថ្កោលទោសយ៉ាងដាច់ខាត ចំពោះ ទណ្ឌិត សម រង្ស៊ី ដែលបានបន្តផ្សព្វផ្សាយបំភ្លៃកាពិត និងញុះញង់តាមបណ្តាញសង្គមចំពោះការបង្ហោះផ្សារភ្ជាប់ទៅនឹងរូបភាព កាលពីថ្ងៃទី២៧ ខែវិច្ឆិកា ឆ្នាំ២០២៣ កន្លងមកនេះ ដោយបានចោទប្រកាន់ថា ការរៀបចំពិធីបុណ្យ អុំទូក បណ្តែតប្រទីប អកអំបុក សំពះព្រះខែ ជាការរៀបចំផលិតរូបភាពក្លែងក្លាយ ដែលមានចេតនាប៉ះពាល់ដល់មុខមាត់រាជរដ្ឋាភិបាល និងប៉ះពាល់ដល់ប្រជាជាតិខ្មែរទាំងមូល។    យើងខ្ញុំ បានយល់ឃើញថា ការលើកឡើង របស់ ទណ្ឌិត សម រង្ស៊ី គឺជាការញុះញង់បង្ករឲ្យមានភាពវឹកវរដល់សន្តិសុខសង្គមដែលជាអំពើល្មើសច្បាប់ដែលមានចែងក្នុងក្រមព្រហ្មទណ្ទនៃព្រះរាជាណាចក្រកម្ពុជា ដែលប្រឈមនឹងការផ្តន្ទាទោស និងសូមស្នើអាជ្ញាធរមានសមត្ថកិច្ច ចាត់វិធានការអោយបានតឹងរឹងបំផុត តាមច្បាប់ចំពោះ ទណ្ឌិត សម រង្ស៊ី ដោយមិនអាចលើកលែងអោយបានឡើយ។    ក្នុងរយៈពេលដែលបង្កើតរាជរដ្ឋាភិ...

សហជីពទឹកចិត្ដយុវជនកម្ពុជា នៃក្រុមហ៊ុន ហ្គោលដេន បានបញ្ជូលសមាជិកថ្មី

សហជីពទឹកចិត្ដយុវជនកម្ពុជា នៃក្រុមហ៊ុន ហ្គោលដេន បានបញ្ជូលសមាជិកថ្មី

កំពង់ស្ពឺ៖ នៅថ្ងៃទី១ ខែធ្នូ ឆ្នាំ២០២៣ សហជីពទឹកចិត្ដយុវជនកម្ពុជា នៃក្រុមហ៊ុន ហ្គោលដេន ប៊ីលាន (ខេមបូឌា) ហ៊ែនប៊ែក ឯ.ក  មានកម្មករ កម្មការិនី ប្រចាំក្រុមហ៊ុន ហ្គោលដេន បានស្ម័គ្រចិត្ដចូលជាសមាជិកសហជីពទឹកចិត្ដយុវជនកម្ពុជា នៃក្រុមហ៊ុន ហ្គោលដេន ប៊ីលាន (ខេមបូឌា) ហ៊ែនប៊ែក ឯ.ក ចំនួន ១០រូប ស្ថិតនៅភូមិសង្រ្គោះជាតិ ឃុំត្រពាំងគង ស្រុកសំរោងទង ខេត្ដកំពង់ស្ពឺ៕ 

សហជីពទឹកចិត្ដយុវជនកម្ពុជា នៃក្រុមហ៊ុន ហ្គោលដេន ប៊ីលាន (ខេមបូឌា) ហ៊ែនប៊ែក ឯ.ក ផ្ដល់ប្រាក់ឧបត្ថម្ភជូនសមាជិក

សហជីពទឹកចិត្ដយុវជនកម្ពុជា នៃក្រុមហ៊ុន ហ្គោលដេន ប៊ីលាន (ខេមបូឌា) ហ៊ែនប៊ែក ឯ.ក ផ្ដល់ប្រាក់ឧបត្ថម្ភជូនសមាជិក

កំពង់ស្ពឺ៖ ថ្ងៃទី៣០ ខែវិច្ឆិកា ឆ្នាំ២០២៣ តំណាងសហជីពទឹកចិត្ដយុវជនកម្ពុជា នៃក្រុមហ៊ុន ហ្គោលដេន ប៊ីលាន (ខេមបូឌា) ហ៊ែនប៊ែក ឯ.ក បានប្រគល់ថវិការៃអង្គាសពីបងប្អូនកម្មករចំនួន ១៤០,០០០រៀល ដល់កម្មករឈ្មោះ ហុង ជូរី អត្ដលេខ GKLD0029 ដែលម្ដាយរបស់គាត់បានទទួលមរណៈភាពកាលពីថ្ងៃសៅរ៍ ទី២៥ ខែវិច្ឆិកា ឆ្នាំ២០២៣៕

សហភាពសហជីពសុភមង្គលកម្មករកម្ពុជា ផ្ដល់អាហារូបករណ៍ ១០០% សម្រាប់ឆ្នាំ២០២៣-២០២៤

សហភាពសហជីពសុភមង្គលកម្មករកម្ពុជា ផ្ដល់អាហារូបករណ៍ ១០០% សម្រាប់ឆ្នាំ២០២៣-២០២៤

ភ្នំពេញ៖ សហភាពសហជីពសុភមង្គលកម្មករកម្ពុជា ផ្ដល់អាហារូបករណ៍ ១០០% សម្រាប់ឆ្នាំ២០២៣-២០២៤ នៅវិទ្យាស្ថានខ្មែរជំនាន់ថ្មី ដែលមានទីតាំងស្ថិតនៅអាគារលេខ ១២-១៤B ផ្លូវលេខ៣២A (២៧១) សង្កាត់ទឹកថ្លា ខណ្ឌសែនសុខ រាជធានីភ្នំពេញ។ នឹងចូលរៀន៖ ចូលរៀនលើកទី១៖ ថ្ងៃទី០៥ ខែកុម្ភៈ ឆ្នាំ២០២៤ ចូលរៀនលើកទី២៖ ថ្ងៃទី០១ ខែមេសា ឆ្នាំ២០២៤ លក្ខខណ្ឌទទួលអាហារូបករណ៍ គឺគ្រាន់តែព្រីនឯកសារខិតបណ្ណខាងក្រោមនេះ រួចបំពេញឈ្មោះ និងជ្រើសរើសជំនាញ ហើយយកឯកសារនេះប្រគល់ឱ្យវិទ្យាស្ថានខ្មែរជំនាន់ថ្មី៕  ខិតបណ្ណ៖ https://t.me/ccwfnews/77

លោកស្រី ចាន់ ផល្លា ប្រធានសហជីពទឹកចិត្ដកម្មករកម្ពុជា នៃក្រុមហ៊ុន ហ៊ីរ៉ូតា បន្ដការផ្សព្វផ្សាយគោលនយោបាយសហជីពសម្រាប់សមាជិកថ្មី

លោកស្រី ចាន់ ផល្លា ប្រធានសហជីពទឹកចិត្ដកម្មករកម្ពុជា នៃក្រុមហ៊ុន ហ៊ីរ៉ូតា បន្ដការផ្សព្វផ្សាយគោលនយោបាយសហជីពសម្រាប់សមាជិកថ្មី

កំពង់ស្ពឺ៖ នៅថ្ងៃ៣០ ខែវិច្ឆិកា ឆ្នាំ២០២៣ លោកស្រី ចាន់ ផល្លា ប្រធានសហជីពទឹកចិត្ដកម្មករកម្ពុជា នៃក្រុមហ៊ុន ហ៊ីរ៉ូតា ស្ថិតនៅភូមិចំបក់ ឃុំវល្លិសរ ស្រុកសំរោងទង ខេត្ដកំពង់ស្ពឺ បានបន្ដការផ្សព្វផ្សាយពីគោលនយោបាយសហជីពប្រចាំក្រុមហ៊ុន និងនិតិវិធីការដោះស្រាយវិវាទ ការប្រមូលសមាជិក និងអត្ថប្រយោជន៍ដែលសមាជិកថ្មីទទួលបានក្រោយពីចូលជាសមាជិកសហជីពទឹកចិត្ដកម្មករកម្ពុជា នៃក្រុមហ៊ុន ហ៊ីរ៉ូតា។  ក្នុងឱកាសនោះផងដែល ក៏មានបងប្អូនកម្មករចូលជាសមាជិកសហជីពបន្ថែមទៀតចំនួន ២១នាក់៕

Page 14 of 15