នាថ្ងៃទី២៨ ខែមិថុនា ឆ្នាំ២០២៦ សហភាពសហជីពសុភមង្គលកម្មករកម្ពុជា (CCWF) បានរៀបចំពិធីបិទវគ្គបណ្តុះបណ្តាលស្តីពី «ការពង្រឹងសមត្ថភាពថ្នាក់ដឹកនាំសហជីពតាមថ្នាលឌីជីថល» ក្រោមអធិបតីភាព លោក លី វិចិត្រ ប្រធានសហភាពសហជីពសុភមង្គលកម្មករកម្ពុជា ដោយមានការចូលរួមពីថ្នាក់ដឹកនាំសហភាព ថ្នាក់ដឹកនាំសហព័ន្ធសហជីព និងសិក្ខាកាមសរុបចំនួន ៣០នាក់ នៅស្នាក់ការកណ្តាលរបស់សហភាព ស្ថិតក្នុងក្រុងតាខ្មៅ ខេត្តកណ្តាល។ ថ្លែងក្នុងពិធីបិទ លោក ឡាយ ផល្លី អនុប្រធានសហភាពសហជីពសុភមង្គលកម្មករកម្ពុជា បានមានប្រសាសន៍ថា វគ្គបណ្តុះបណ្តាលនេះ ត្រូវបានរៀបចំឡើងក្នុងគោលបំណងលើកកម្ពស់ចំណេះដឹង និងជំនាញផ្នែកបច្ចេកវិទ្យាឌីជីថលដល់ថ្នាក់ដឹកនាំសហជីព ដើម្បីបង្កើនប្រសិទ្ធភាពក្នុងការដឹកនាំ ការគ្រប់គ្រង និងការការពារសិទ្ធិ និងផលប្រយោជន៍ស្របច្បាប់របស់កម្មករ និយោជិត ស្របតាមការវិវត្តនៃបដិវត្តន៍ឧស្សាហកម្ម ៤.០។ លោកបានវាយតម្លៃខ្ពស់ចំពោះលទ្ធផលនៃវគ្គបណ្តុះបណ្តាលរយៈពេល ២ថ្ងៃ ដោយបានបញ្ជាក់ថា សិក្ខាកាមទទួលបានទាំងចំណេះដឹងទ្រឹស្តី និងជំនាញអនុវត្តជាក់ស្តែង ដែលអាចយកទៅប្រើប្រាស់ក្នុងការងារនៅតាមមូលដ្ឋាន ដើម្បីពង្រឹងសាមគ្គីភាព និងលើកកម្ពស់ប្រសិទ្ធភាពកា...

ខេត្តកំពង់ស្ពឺ៖ នៅថ្ងៃពុធ ទី២៤ ខែមិថុនា ឆ្នាំ២០២៦ ដោយមានការអនុញ្ញាតពី លោក លី សុផាន ប្រធានសហព័ន្ធសហជីពជំនឿចិត្តកម្មករកម្ពុជា លោក អុឹម ចាន់ថៃ ប្រធានសហជីពមូលដ្ឋានប្រចាំរោងចក្រ ឡូរិន ហ៊្វូតវែរ ឯ.ក (ស្ថិតនៅតាមបណ្តោយផ្លូវជាតិលេខ៤ ភូមិសង្គ្រោះជាតិ ឃុំត្រពាំងគង ស្រុកសំរោងទង) ព្រមទាំងក្រុមការងារ បាននាំយកថវិកាដែលបានមកពីការរៃអង្គាស ទៅប្រគល់ជូនគ្រួសារសពក្មួយប្រុស/ស្រី របស់ប្អូនស្រី ហួត សុខលី ដែលជាសមាជិកសហជីព (អត្តលេខ LR41.18C)។ ថវិកាដែលក្រុមការងារបានរៃអង្គាសចូលរួមរំលែកទុក្ខក្នុងកម្មវិធីបុណ្យសពនេះ មានចំនួនសរុប 170,000 រៀល។ សកម្មភាពនេះបានស្តែងឱ្យឃើញពីទឹកចិត្តសាមគ្គីភាព ការគិតគូរ និងការរួមសុខរួមទុក្ខគ្នាយ៉ាងកក់ក្តៅនៅក្នុងមហាគ្រួសារ CCWF។

ភ្នំពេញ៖ នៅរសៀលថ្ងៃទី២៣ ខែមិថុនា ឆ្នាំ២០២៦ ដោយមានការអនុញ្ញាតពី ឯកឧត្តម លី វិចិត្រ ប្រធានសហព័ន្ធសហជីពទឹកចិត្តកម្មករកម្ពុជា លោក អឿន កុសល ប្រធានសហជីពមូលដ្ឋានប្រចាំរោងចក្រ ស៊ីអិនឌឹហ្រ្គី ព្រមទាំងក្រុមការងារ បានពាំនាំថវិកាឧបត្ថម្ភទៅប្រគល់ជូនកម្មការិនីដែលទើបសម្រាលកូន និងរៀបអាពាហ៍ពិពាហ៍ សរុបចំនួន ៧នាក់។ នៅក្នុងការឧបត្ថម្ភនោះរួមមាន៖ ស្ត្រីសម្រាលកូន៖ ចំនួន ៦នាក់ (ទទួលបានថវិកាសរុប ៧២០,០០០ រៀល) កម្មការិនីរៀបអាពាហ៍ពិពាហ៍៖ ចំនួន ១នាក់ (ទទួលបានថវិកា ១២០,០០០ រៀល) សមាជិកម្នាក់ៗទទួលបានប្រាក់ឧបត្ថម្ភចំនួន 120,000 រៀល ដែលសរុបជាទឹកប្រាក់រួមមានចំនួន 840,000 រៀល។ សកម្មភាពនេះបានបង្ហាញពីការយកចិត្តទុកដាក់ខ្ពស់ និងការរួមសុខរួមទុក្ខជាមួយបងប្អូនកម្មការិនីនៅក្នុងមហាគ្រួសារសហជីព។

កំពង់ស្ពឺ៖ ខ្ញុំបាទ ទិត សុភា រួមជាមួយលោក ឌី សំបាន និងក្រុមការងារសហជីពមូលដ្ឋានប្រចាំរោងចក្រ អេ ជេ ថេកស្តាយ ឯ.ក (ស្ថិតនៅផ្លូវលេខ ១៣០ ភូមិព្រីង ឃុំរលាំងចក ស្រុកសំរោងទង ខេត្តកំពង់ស្ពឺ) ដោយបានការអនុញ្ញាតដ៏ខ្ពង់ខ្ពស់ពី ឯកឧត្តម លី វិចិត្រ ប្រធានសហព័ន្ធសហជីពទឹកចិត្តកម្មករកម្ពុជា បានរៀបចំការរៃអង្គាសថវិកាពីបងប្អូនកម្មករនិយោជិតដែលបម្រើការងារនៅក្នុងរោងចក្រផ្ទាល់។ ថវិកាដែលប្រមូលបានទាំងនេះ គឺដើម្បីនាំយកទៅឧបត្ថម្ភ និងជួយសម្រាលបន្ទុកថ្លៃព្យាបាលជំងឺជូនដល់៖ សមាជិក៖ ប្អូនស្រី ពេជ ប៉េន (អត្តលេខ AJ00471) និងស្វាមីឈ្មោះ គង់ ពិន (អត្តលេខ AJ02478) ដែលអ្នកទាំងពីរជាកម្មករបម្រើការងារនៅក្នុងរោងចក្រ អេ ជេ។ មូលហេតុ៖ អ្នកទាំងពីរបានជួបគ្រោះថ្នាក់ចរាចរណ៍ ហើយបច្ចុប្បន្នកំពុងសម្រាកព្យាបាលនៅមន្ទីរពេទ្យ។ ថវិកាឧបត្ថម្ភសរុប៖ ១៨៤,០០០ រៀល (ដប់ប្រាំបីម៉ឺនបួនពាន់រៀលគត់)។ ក្នុងនាមក្រុមការងារសហជីព សូមថ្លែងអំណរគុណយ៉ាងជ្រាលជ្រៅដល់បងប្អូនកម្មករ-កម្មការិនីយើងទាំងអស់គ្នា ដែលបានស្ម័គ្រចិត្តចូលរួមចំណែកថវិកាផ្ទាល់ខ្លួន ជួយគ្នាក្នុងគ្រាលំបាកនេះ។

នៅព្រឹកថ្ងៃទី២១ ខែមិថុនា ឆ្នាំ២០២៦ សហភាពសហជីពសុភមង្គលកម្មករកម្ពុជា បានបើកវគ្គបណ្តុះបណ្តាលស្តីពី “ការពង្រឹងសមត្ថភាពថ្នាក់ដឹកនាំសហជីពតាមថ្នាលឌីជីថល” ក្រោយអធិបតីភាព លោក លី វិចិត្រ ប្រធានសហភាពសហជីពសុភមង្គលកម្មករកម្ពុជា និងមានការអញ្ជើញចូលរួមពីថ្នាក់នាំសហភាពសហជីព ថ្នាក់ដឹកនាំសហព័ន្ធសហជីព រួមនិងសិក្ខាកាមសរុប ៣០នាក់ ស្ថិតនៅស្នាក់ការកណ្តាលរបស់សហភាពសហជីពសហជីពសុភមង្គលកម្មករកម្ពុជា នៅខេត្តកណ្តាល ។ លោក យ៉ុន ម៉េងស្រ៊ន់ បានលើកឡើងថា ការរៀបចំវគ្គបណ្តុះបណ្តាលនេះឡើង ក្នុងគោលបំណងចូលរួមលើកកម្ពស់សមត្ថភាពរបស់ថ្នាក់ដឹកនាំសហជីព ឱ្យអាចប្រើប្រាស់បច្ចេកវិទ្យាឌីជីថលបានកាន់តែប្រសើរ មានភាពច្នៃប្រឌិត និងឆ្លើយតបទៅនឹងតម្រូវការនៃសង្គមសម័យទំនើប លើកកម្ពស់ជំនាញទំនាក់ទំនង និងផ្សព្វផ្សាយព័ត៌មានតាមបណ្តាញសង្គម បង្កើនប្រសិទ្ធភាពការងារដឹកនាំ និងគ្រប់គ្រងគោលដៅសហជីព ។ ជំរុញការចូលរួម និងការទំនាក់ទំនងជាមួយសមាជិកតាមប្រព័ន្ធឌីជីថល និងជាពិសេស ការប្រើប្រាស់ជំនាញឌីជីថល ឱ្យបានត្រឹមត្រូវ និងមានប្រសិទ្ធភាព គឺជាតម្រូវការសំខាន់សម្រាប់ថ្នាក់ដឹកនាំសហជីពនាពេលបច្ចុប្បន្ន ។ ជាចុងក្រោយលោកសូមសម្តែងនូវការគោរព និងអំណរគុណយ៉ាង...

នៅថ្ងៃទី២១ ខែមិថុនា ឆ្នាំ២០២៦ លោក លី វិចិត្រ ប្រធានសហភាពសហជីពសុភមង្គលកម្មករកម្ពុជា និងជាប្រធានសហព័ន្ធសហជីពទឹកចិត្តកម្មករកម្ពុជា ដែលជាសមាជិកនៃ IndustriALL Global Union បានទទួលស្វាគមន៍យ៉ាងកក់ក្តៅចំពោះ លោកស្រី Christina Hajagos-Clausen នាយិកាផ្នែកវាយនភណ្ឌ កាត់ដេរ ស្បែកជើង និងស្បែក (TGSL) នៃ IndustriALL Global Union និងគណៈប្រតិភូ ដែលបានអញ្ជើញមកបំពេញទស្សនកិច្ចដោយផ្ទាល់នៅទីស្នាក់ការកណ្តាលរបស់សហភាពសហជីពសុភមង្គលកម្មករកម្ពុជា ស្ថិតនៅក្រុងតាខ្មៅ ខេត្តកណ្តាល។ ក្នុងឱកាសនៃដំណើរទស្សនកិច្ចនេះ លោកស្រី Christina Hajagos-Clausen និងគណៈប្រតិភូ បានជួបសំណេះសំណាល និងផ្លាស់ប្តូរយោបល់ជាមួយថ្នាក់ដឹកនាំសហជីព ស្តីពីស្ថានភាពការងារ សិទ្ធិ និងផលប្រយោជន៍របស់កម្មករនិយោជិត ព្រមទាំងការពង្រឹងកិច្ចសហប្រតិបត្តិការរវាងសហជីពក្នុងស្រុក និងសហជីពសកល ដើម្បីលើកកម្ពស់សុខុមាលភាព និងសិទ្ធិការងាររបស់កម្មករឱ្យកាន់តែប្រសើរឡើង។ ជាមួយគ្នានេះ លោកស្រី Christina Hajagos-Clausen បានសម្តែងនូវក្តីរំភើប និងសេចក្តីសោមនស្សរីករាយយ៉ាងខ្លាំង ចំពោះការទទួលស្វាគមន៍យ៉ាងស្និទ្ធស្នាល និងកក់ក្តៅពីសំណាក់លោក លី វិចិត្រ និងថ្នាក់ដឹកនាំសហជីពទាំងអស់។ លោក...

អបអរសាទរព្រះរាជពិធីបុណ្យចម្រេីនព្រះជន្ម សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរក្នុងសេរីភាព សេចក្តីថ្លៃថ្នូរ និងសុភមង្គល ជាទីគោរពសក្ការៈដ៏ខ្ពង់ខ្ពស់ព្រះរាជពិធីបុណ្យចម្រើនព្រះជន្ម គម្រប់ ៩០ ព្រះវស្សា យាងចូល ៩១ ព្រះវស្សា។ ថ្ងៃព្រហស្បតិ៍ ៤កើត ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៨ ខែមិថុនា ឆ្នាំ២០២៦

សូមព្រះរាជអនុញ្ញាតថ្វាយព្រះពរ សម្ដេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្ដីថ្លៃថ្នូរ និងសុភមង្គល ក្នុងឱកាសព្រះរាជពិធីចម្រើនព្រះជន្មគម្រប់ ៩០ យាងចូល ៩១ ព្រះវស្សា សូមព្រះអង្គទ្រង់ប្រកបដោយ ព្រះរាជសុខភាពល្អបរិបូរណ៍ ព្រះកាយពលមាំមួន ព្រះបញ្ញាញាណភ្លឺថ្លា និងព្រះជន្មាយុយឺនយូរ ពីថ្នាក់ដឹកនាំ និងសមាជិកទាំងអស់ នៃសហភាពសហជីពសុភមង្គលកម្មករកម្ពុជា

កំពង់ស្ពឺ_ថ្ងៃទី១៧ ខែមិថុនា ឆ្នាំ២០២៦៖ ដោយមានការអនុញ្ញាតដ៏ខ្ពង់ខ្ពស់ពី លោកស្រី ហ៊ុន រស្មី ប្រធានសហព័ន្ធសហជីពទឹកចិត្តស្រ្ដីកម្ពុជា តំណាងសហជីពប្រចាំក្រុមហ៊ុន ហ្សេន សែន ស៊ូ (ខេមបូឌា) ឯ.ក (ភូមិព្រះម្លប់ ឃុំភារីមានជ័យ ស្រុកបសេដ្ឋ ខេត្តកំពង់ស្ពឺ) បានរៀបចំការរៃអង្គាសថវិកាពីបងប្អូនកម្មករ-កម្មការិនី ដើម្បីចូលរួមរំលែកទុក្ខដ៏ក្រៀមក្រំជាមួយគ្រួសារសមាជិកា។ ថវិកាដែលរៃអង្គាសបានសរុបចំនួន ១១០,៦០០ រៀល ត្រូវបាននាំយកទៅប្រគល់ជូនសមាជិកាសហជីពឈ្មោះ អ៊ុង សុខរ៉េម (ភេទស្រី អត្តលេខ ១៧០២ ផ្នែកដេរ ៣) ដែលរូបគាត់កំពុងមានទុក្ខជាទម្ងន់ដោយសារអ្នកម្តាយបានទទួលមរណភាព។ ក្នុងនាមតំណាងសហជីព និងជំនួសមុខឱ្យសាមីខ្លួន យើងខ្ញុំសូមថ្លែងអំណរគុណយ៉ាងជ្រាលជ្រៅចំពោះបងប្អូនកម្មករ-កម្មការិនីទាំងអស់ ដែលបានចូលរួមវិភាគទានថវិកាផ្ទាល់ខ្លួនតាមសទ្ធាជ្រះថ្លា។ សូមជូនពរបងប្អូនទាំងអស់ទទួលបាននូវបុណ្យកុសល និងជួបតែសេចក្តីសុខគ្រប់ៗគ្នា។

កំពង់ស្ពឺ_ថ្ងៃទី១៦ ខែមិថុនា ឆ្នាំ២០២៦៖ ដោយមានការអនុញ្ញាតដ៏ខ្ពង់ខ្ពស់ពី លោកស្រី ហ៊ុន រស្មី ប្រធានសហព័ន្ធសហជីពទឹកចិត្តស្រ្ដីកម្ពុជា លោកស្រី ឃិត សុភី ប្រធានសហជីពទឹកចិត្ដស្រ្តីកម្ពុជា ប្រចាំក្រុមហ៊ុន ដុងសិន ហ្វូដវែរ (ខេមបូឌា) ឯ.ក (ភូមិត្រពាំងឈូក ឃុំបសេដ្ឋ ស្រុកបសេដ្ឋ ខេត្ដកំពង់ស្ពឺ) បានរៀបចំការរៃអង្គាសថវិកាពីបងប្អូនកម្មករ-កម្មការិនី ដើម្បីជួយសម្រាលទុក្ខលំបាកសមាជិកម្នាក់។ ថវិកាដែលរៃអង្គាសបានសរុបចំនួន ២៦០,០០០ រៀល ត្រូវបាននាំយកទៅប្រគល់ជូនសមាជិកសហជីពឈ្មោះ ហេង ភាស់ (ភេទប្រុស អត្តលេខ ១១១៦៧ ផ្នែកដេរ) ដែលលោកបានជួបគ្រោះថ្នាក់ចរាចរណ៍បណ្តាលឱ្យបាក់ជើង។ ក្នុងនាមតំណាងសហជីព និងជំនួសមុខឱ្យសាមីខ្លួន យើងខ្ញុំសូមថ្លែងអំណរគុណយ៉ាងជ្រាលជ្រៅចំពោះទឹកចិត្តសប្បុរសធម៌របស់បងប្អូនកម្មករ-កម្មការិនីទាំងអស់ ដែលបានចូលរួមវិភាគទានថវិកាផ្ទាល់ខ្លួនតាមសទ្ធាជ្រះថ្លា។ សូមជូនពរបងប្អូនទាំងអស់ទទួលបាននូវបុណ្យកុសល សុខភាពល្អ និងលាភជ័យគ្រប់ៗគ្នា។

កំពង់ស្ពឺ_ថ្ងៃទី១៦ ខែមិថុនា ឆ្នាំ២០២៦៖ ដោយមានការអនុញ្ញាតដ៏ខ្ពង់ខ្ពស់ពី លោកស្រី ហ៊ុន រស្មី ប្រធានសហព័ន្ធសហជីពទឹកចិត្តស្រ្ដីកម្ពុជា លោកស្រី ឃិត សុភី ប្រធានសហជីពទឹកចិត្ដស្រ្តីកម្ពុជា ប្រចាំក្រុមហ៊ុន ដុងសិន ហ្វូដវែរ (ខេមបូឌា) ឯ.ក បាននាំយកថវិកាឧបត្ថម្ភសរុបចំនួន ២៧០,០០០ រៀល ទៅប្រគល់ជូនបងប្អូនកម្មករ-កម្មការិនីដែលជាសមាជិកសហជីពចំនួន ៣រូប (ក្នុងម្នាក់ៗទទួលបាន ៩០,០០0 រៀល)។ ក្រុមហ៊ុនខាងលើនេះ មានទីតាំងស្ថិតនៅភូមិត្រពាំងឈូក ឃុំបសេដ្ឋ ស្រុកបសេដ្ឋ ខេត្ដកំពង់ស្ពឺ ហើយសមាជិកដែលទទួលបានការឧបត្ថម្ភរួមមាន៖ ១. ឈ្មោះ ហ៊ែល ផានៀត (អត្តលេខ ១១៤៩៨) ផ្នែកដេរ - ឧបត្ថម្ភក្នុងពិធីរៀបអាពាហ៍ពិពាហ៍ ២. ឈ្មោះ ឆៃ ពិសី (អត្តលេខ ១១៣៧៤) ផ្នែកពិនិត្យ - ឧបត្ថម្ភក្នុងពិធីរៀបអាពាហ៍ពិពាហ៍ ៣. ឈ្មោះ សាក់ បូផា (អត្តលេខ ១០៣៩០) ផ្នែកដេរ - ឧបត្ថម្ភក្នុងករណីវះកាត់សុខភាព ឆ្លៀតក្នុងឱកាសនេះ ក្រុមការងារសហជីព ក៏បានពាំនាំនូវប្រសាសន៍សាកសួរសុខទុក្ខ និងសូមជូនពរដល់បងប្អូនកម្មករនិយោជិតទាំងអស់ ឱ្យមានសុខភាពល្អបរិបូរណ៍ និងជួបតែសំណាងល្អគ្រប់ៗគ្នា។

នៅថ្ងៃទី១៧ ខែមិថុនា ឆ្នាំ២០២៦ លោក ហ៊ីន ម៉ៃ តំណាងឱ្យឯកឧត្តម លី វិចិត្រ ប្រធានសហព័ន្ធសហជីពទឹកចិត្ដកម្មករកម្ពុជា បានអញ្ជើញប្រគល់ប្រាក់ឧបត្ថម្ភចំនួន ១៦០,០០០ រៀល ជូនដល់សមាជិកាសហជីពដែលទើបសម្រាលកូនចំនួន ២រូប នៅរោងចក្រ អេហ្វ អិម អេហ្វ មេនូហ្វេកធឺរីង ឯ.ក (ស្ថិតនៅភូមិបត្តាជី១ សង្កាត់ព្រែកហូរ ក្រុងតាខ្មៅ ខេត្តកណ្តាល)៖ ១. ឈ្មោះ ហ៊ាង លាងម៉េង (អត្តលេខ 06579) ផ្នែកដេរ A5 ២. ឈ្មោះ ផល សាវន (អត្តលេខ 03240) ផ្នែកដេរ A8 ក្នុងឱកាសនោះដែរ ក្រុមការងារក៏បានពាំនាំនូវប្រសាសន៍សាកសួរសុខទុក្ខ និងសូមជូនពរដល់ឯកឧត្តមប្រធាន ព្រមទាំងបងប្អូនកម្មករនិយោជិតទាំងអស់ ឱ្យមានសុខភាពល្អបរិបូរណ៍ និងជួបតែសំណាងល្អគ្រប់ពេលវេលា។

ខេត្តកណ្ដាល៖ នៅព្រឹកថ្ងៃទី១៤ ខែមិថុនា ឆ្នាំ២០២៦ សហភាពសហជីពសុភមង្គលកម្មករកម្ពុជា បានរៀបចំកិច្ចប្រជុំប្រចាំខែឧសភា និងលើកទិសដៅការងារសម្រាប់ខែមិថុនា ឆ្នាំ២០២៦ នៅទីស្នាក់ការកណ្ដាលរបស់សហភាព ស្ថិតនៅក្រុងតាខ្មៅ ខេត្តកណ្ដាល ក្រោមអធិបតីភាព លោក លី វិចិត្រ ប្រធានសហភាពសហជីពសុភមង្គលកម្មករកម្ពុជា ដោយមានការចូលរួមពីថ្នាក់ដឹកនាំសហភាព លេខាធិការដ្ឋានសហភាព ប្រធានសហព័ន្ធសហជីព និងថ្នាក់ដឹកនាំគ្រប់គ្រងគោលដៅសហជីពជាច្រើនរូប។ ក្នុងឱកាសនោះ លោក លី វិចិត្រ បានថ្លែងអំណរគុណ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់ថ្នាក់ដឹកនាំគ្រប់លំដាប់ថ្នាក់ ដែលបានរួមចំណែកអនុវត្តសកម្មភាពការងារនានារបស់សហភាពប្រកបដោយការទទួលខុសត្រូវ និងទទួលបានលទ្ធផលជាវិជ្ជមាននាពេលកន្លងមក។ កិច្ចប្រជុំបានផ្តោតលើរបៀបវារៈសំខាន់ចំនួនបី រួមមាន៖ ការបណ្តុះបណ្តាលស្តីពីការពង្រឹងសមត្ថភាពថ្នាក់ដឹកនាំសហជីពតាមថ្នាលឌីជីថល ការពង្រឹងប្រសិទ្ធភាពការងាររបស់លេខាធិការដ្ឋានសហភាព និងការពង្រឹងសមត្ថភាពថ្នាក់ដឹកនាំសហជីព ព្រមទាំងការពង្រីកសមាជិកភាពសហជីពបន្ថែម។ ពាក់ព័ន្ធនឹងការពង្រឹងសមត្ថភាពឌីជីថល សហភាពបានសម្រេចរៀបចំវគ្គបណ្តុះបណ្តាលស្តីពី «ការពង្រឹងសមត្ថភា...

ខេត្តកំពង់ស្ពឺ៖ នៅថ្ងៃសុក្រ ទី ១២ ខែមិថុនា ឆ្នាំ ២០២៦ ដោយមានការអនុញ្ញាតពី លោក លី សុផាន ប្រធានសហព័ន្ធសហជីពជំនឿចិត្តកម្មករកម្ពុជា លោក អ៊ុន ចាន់ថៃ ប្រធានសហជីពមូលដ្ឋានប្រចាំរោងចក្រ ឡូរិន ហ៊្វូតវែរ (ខេមបូឌា) ឯ.ក ព្រមទាំងក្រុមការងារ បានរៀបចំកម្មវិធីរៃអង្គាសបច្ច័យពីបងប្អូនកម្មករ ដើម្បីចូលរួមចំណែកក្នុងវិស័យព្រះពុទ្ធសាសនា។ បច្ច័យដែលរៃអង្គាសបានសរុបចំនួន ២០០,០០០ រៀល ត្រូវបានប្រគល់ជូនតាមរយៈប្អូនស្រី ឡេ សេងហួរ (អត្តលេខ LR5429QD ដែលជាសមាជិកសហជីព) ដើម្បីនាំយកទៅប្រគេនដល់ព្រះសង្ឃគង់នៅ វត្តព្រៃជុំ។ បច្ច័យទាំងអស់នេះ នឹងត្រូវយកទៅប្រើប្រាស់ក្នុងកិច្ចការកសាងវត្តអារាម ដូចជាការទិញដីចាក់បំពេញទីធ្លាសាលារៀនក្នុងវត្តដែលរងការលិចទឹកជាដើម។ ក្នុងឱកាសនោះ ក្រុមការងារសហជីពមូលដ្ឋាន សូមថ្លែងអំណរគុណយ៉ាងជ្រាលជ្រៅចំពោះបងប្អូនកម្មករ-កម្មការិនីទាំងអស់ ដែលបានជ្រះថ្លាចូលរួមបរិច្ចាគថវិកាផ្ទាល់ខ្លួន ក្នុងស្មារតីសាមគ្គីភាព និងការជ្រះថ្លាក្នុងការទ្រទ្រង់ពុទ្ធសាសនា។

ខេត្តកំពង់ស្ពឺ៖ នៅថ្ងៃទី ១២ ខែមិថុនា ឆ្នាំ ២០២៦ ដោយមានការអនុញ្ញាតដ៏ខ្ពង់ខ្ពស់ពី ឯកឧត្តម លី វិចិត្រ ប្រធានសហព័ន្ធសហជីពទឹកចិត្តកម្មករកម្ពុជា (CCWF) លោក ទិត សុភា និងលោក ឌី សំបាន ព្រមទាំងក្រុមការងារសហជីពមូលដ្ឋានប្រចាំរោងចក្រ អេ ជេ ថេក ស្ដាយ ឯ.ក (ស្ថិតនៅផ្លូវលេខ ១៣០ ភូមិព្រីង ឃុំរលាំងចក ស្រុកសំរោងទង) បានរៀបចំកម្មវិធីរៃអង្គាសថវិកាពីបងប្អូនកម្មករជានៅក្នុងរោងចក្រ ដើម្បីជួយសង្គ្រោះបន្ទាន់ដល់ប្អូនស្រី កាន លីសា។ ប្អូនស្រី កាន លីសា មានអត្តលេខសម្គាល់AJ01948 បម្រើការងារនៅផ្នែកដេរ ក្រុម B1 បច្ចុប្បន្នកំពុងធ្លាក់ខ្លួនឈឺធ្ងន់។ ឆ្លងកាត់ការរៃអង្គាសបងប្អូនកម្មករ-កម្មការនី ក្រុមការងារទទួលបានថវិកាសរុបចំនួន ១៧៩,៣០០ រៀល និងបាននាំយកទៅប្រគល់ជូនប្អូនស្រីដើម្បីជួយសម្រាលការចំណាយលើការព្យាបាល។ ក្នុងឱកាសនោះ ក្រុមការងារសហជីពមូលដ្ឋាន សូមថ្លែងអំណរគុណយ៉ាងជ្រាលជ្រៅចំពោះបងប្អូនកម្មករ-កម្មការិនីទាំងអស់ ដែលបានលះបង់ថវិកាផ្ទាល់ខ្លួនចូលរួមជួយក្នុងស្មារតីមនុស្សធម៌ និងសាមគ្គីភាពជួយគ្នាក្នុងគ្រាក្រលំបាកនេះ។

  ខេត្តកំពង់ស្ពឺ៖ នៅថ្ងៃទី ១២ ខែមិថុនា ឆ្នាំ ២០២៦ ដោយមានការអនុញ្ញាតដ៏ខ្ពង់ខ្ពស់ពី លោកស្រី ហ៊ុន រស្មី ប្រធានសហព័ន្ធសហជីពទឹកចិត្តស្រ្តីកម្ពុជាតំណាងសហជីពប្រចាំក្រុមហ៊ុន ហ្សេន សែន ស៊ូ (ខេមបូឌា) ឯ.ក (ស្ថិតនៅភូមិព្រះម្លប់ ឃុំភារីមានជ័យ ស្រុកបរសេដ្ឋ) បាននាំយកប្រាក់ឧបត្ថម្ភសរុបចំនួន ៤៥០,០០០ រៀល ទៅប្រគល់ជូនសមាជិកសហជីពចំនួន ៥ នាក់ ដោយក្នុងម្នាក់ៗទទួលបានថវិកាចំនួន ៩០,០០០ រៀល។ ការឧបត្ថម្ភនេះ ធ្វើឡើងដើម្បីសម្រួលការចំណាយជូនដល់បងប្អូនសមាជិកសហជីព ដែលបានដាក់ច្បាប់រៀបអាពាហ៍ពិពាហ៍ និងសម្រាកលំហែមាតុភាព។ នាឱកាសនោះ តំណាងសហជីពប្រចាំក្រុមហ៊ុន និងសមាជិកទាំងអស់ បានសម្តែងនូវការដឹងគុណយ៉ាងជ្រាលជ្រៅចំពោះ លោកស្រីប្រធាន ហ៊ុន រស្មី ដែលតែងតែយកចិត្តទុកដាក់ និងគិតគូរពីសុខទុក្ខរបស់បងប្អូនកម្មករ-កម្មការិនី

ភ្នំពេញ៖ កាលពីថ្ងៃទី១០ ខែមិថុនា ឆ្នាំ២០២៦ កន្លងទៅនេះ ដោយមានការចាត់តាំង និងតំណាងឱ្យលោក អ៊ឹម ស៊ីថាត ប្រធានសហព័ន្ធសហជីពកម្លាំងចិត្តកម្មករកម្ពុជា បងប្អូនថ្នាក់ដឹកនាំសហជីពមូលដ្ឋានប្រចាំរោងចក្រ វេនធូរ៉ា បាននាំយកថវិកាឧបត្ថម្ភមួយចំនួន៣៥២,២០០រៀលទៅប្រគល់ជូនប្អូនប្រុសម្នាក់ដែលជាកម្មករ ក្រោយរូបលោកបានជួបគ្រោះថ្នាក់រអិលដួលបណ្តាលឱ្យរងរបួសប៉ះពាល់ដល់ក្បាល។ ទឹកប្រាក់ដែលបាននាំទៅប្រគល់ជូនប្អូនប្រុសរងគ្រោះនាពេលនេះ មានចំនួនសរុប ៣៥២,២០០ រៀល ។ ថវិកាទាំងនេះ មិនមែនជាកញ្ចប់ថវិកាផ្លូវការណាមួយឡើយ ប៉ុន្តែវាគឺជាទឹកប្រាក់ដែលបានមកពីការស្ម័គ្រចិត្តរៃអង្គាសគ្នាចេញពីបេះដូង ពីសំណាក់បងប្អូនកម្មករនិយោជិត និងថ្នាក់ដឹកនាំសហជីពនៅក្នុងរោងចក្រផ្ទាល់តែម្តង។ សកម្មភាពដ៏ប្រពៃនេះ បានបង្ហាញឱ្យឃើញយ៉ាងច្បាស់ពីទឹកចិត្តអាណិតស្រឡាញ់ ភាពជាបងប្អូន និងការមិនបោះបង់គ្នាចោលក្នុងគ្រាមានអាសន្ន។ ទោះបីជាចំនួនថវិកានេះតិចក្ដីឬច្រើនក្ដីប៉ុន្តែវាពិតជាមានតម្លៃខាងផ្លូវចិត្តយ៉ាងធំធេង ដើម្បីជួយសម្រាលបន្ទុកគ្រួសារ និងជាកម្លាំងចិត្តជម្រុញឱ្យប្អូនប្រុសរងគ្រោះ ឆាប់បានសះស្បើយពីរបួស និងអាចត្រឡប់មកបម្រើការងារវិញក្នុងពេលឆាប់ៗខាងមុខនេះ។

នៅរសៀលថ្ងៃទី៨ ខែមិថុនា ឆ្នាំ២០២៦ លោក លី វិចិត្រ ប្រធានសហភាពសហជីពសុភមង្គលកម្មករកម្ពុជា និងជាប្រធានសហព័ន្ធសហជីពទឹកចិត្តកម្មករកម្ពុជា បានអញ្ជើញចូលរួមជាមួយលោក ចឹក បូរិន ប្រធានមន្ទីរការងារ និងបណ្ដុះបណ្ដាលវិជ្ជាជីវៈ ខេត្តកំពង់ស្ពឺ ព្រមទាំងថ្នាក់ដឹកនាំពាក់ព័ន្ធ ក្នុងពិធីជួបសំណេះសំណាល និងសាកសួរសុខទុក្ខបងប្អូនអតីតពលករមកពីប្រទេសថៃ បងប្អូនជនភៀសសឹក និងបងប្អូនកម្មករ-កម្មការិនី មកពីបណ្ដាខេត្តនានា ដែលកំពុងបម្រើការងារនៅរោងចក្រ W & J និងរោងចក្រ Fast Making ស្ថិតក្នុងភូមិចំបក់ ឃុំវល្លិសរ ស្រុកសំរោងទង ខេត្តកំពង់ស្ពឺ។ កម្មវិធីនេះ ត្រូវបានរៀបចំឡើងក្នុងគោលបំណងលើកទឹកចិត្ត និងបង្ហាញពីការយកចិត្តទុកដាក់របស់រាជរដ្ឋាភិបាល អាជ្ញាធរពាក់ព័ន្ធ និងអង្គការសហជីព ចំពោះសុខុមាលភាព និងជីវភាពរស់នៅរបស់បងប្អូនកម្មករ-កម្មការិនី ដែលបានវិលត្រឡប់មកបម្រើការងារនៅក្នុងប្រទេសកម្ពុជា ដែលមានអ្នកចូលរួមប្រមាណជិត ១,០០០នាក់។ លោក ចឹក បូរីន ប្រធានមន្ទីរការងារ និងបណ្ដុះបណ្ដាលវិជ្ជាជីវៈ ខេត្តកំពង់ស្ពឺ បានមានប្រសាសន៍ណែនាំ និងលើកទឹកចិត្តដល់បងប្អូនកម្មករ-កម្មការិនី ឱ្យយកចិត្តទុកដាក់ក្នុងការបំពេញការងារតាមតួនាទីរបស់ខ្លួន ប្រកបដោយវិន័យ...

ភ្នំពេញ៖ នាថ្ងៃទី០៦ ខែមិថុនា ឆ្នាំ២០២៦ ដោយមានការអនុញ្ញាតពី លោក លី វិចិត្រ ប្រធានសហព័ន្ធសហជីពទឹកចិត្តកម្មករកម្ពុជា និងលោក ឡាយ សំអូន អនុប្រធានសហព័ន្ធសហជីពទឹកចិត្តកម្មករកម្ពុជា, លោក សុខ វណ្ណ ប្រធានសហជីពមូលដ្ឋាន រួមទាំងក្រុមការងារសហជីពប្រចាំក្រុមហ៊ុន ស៊ីនប៉ូ (ខេមបូឌា) ហ៊្វូតវែរ ឯ.ក (ស្ថិតនៅភូមិទួលរកា សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ) បាននាំយកប្រាក់ឧបត្ថម្ភសរុបចំនួន ១,៤៤០,០០០ រៀល ទៅប្រគល់ជូនសមាជិកសហជីពចំនួន ១២នាក់ ដោយក្នុងម្នាក់ៗទទួលបាន ១២០,០០០ រៀល។ សមាជិកដែលទទួលប្រាក់ឧបត្ថម្ភ រួមមាន៖ ១. សមាជិករៀបអាពាហ៍ពិពាហ៍ ចំនួន ០៥ នាក់ ២. សមាជិកសម្រាលបុត្រ ចំនួន 0៥ នាក់ ៣. សមាជិកមានជំងឺធ្ងន់ធ្ងរ ចំនួន ០២ នាក់ នាឱកាសនោះ ខាងតំណាងសហជីពមូលដ្ឋាន ក៏បានគោរពថ្លែងអំណរគុណយ៉ាងជ្រាលជ្រៅជូនចំពោះ ឯកឧត្តមប្រធាន លី វិចិត្រ និងលោកអនុប្រធាន ឡាយ សំអូន ដែលតែងតែយកចិត្តទុកដាក់ និងគិតគូរពីសុខទុក្ខរបស់បងប្អូនកម្មករ-កម្មការិនីជាសមាជិកជានិច្ច។ ព្រមទាំងបានជូនពរដល់សមាជិកទាំងអស់ ឱ្យជួបតែសំណាងល្អ និងមានសុខភាពល្អគ្រប់ៗគ្នា។

កំពង់ស្ពឺ៖ នាថ្ងៃទី០៥ ខែមិថុនា ឆ្នាំ២០២៦ ដោយមានការអនុញ្ញាត និងការគាំទ្រពីលោក លី សុផាន ប្រធានសហព័ន្ធសហជីពជំនឿចិត្តកម្មករកម្ពុជា ក្រុមការងារសហជីពជំនឿចិត្តកម្មករកម្ពុជា ប្រចាំក្រុមហ៊ុន អូសិន យូញៀន ស្ព័ត (ខេមបូឌា) បានរៀបចំការរៃអង្គាសថវិកាពីបងប្អូនកម្មករ-កម្មការិនី ដែលជាសមាជិកសហជីព ក្នុងគោលបំណងចូលរួមជួយឧបត្ថម្ភដល់ប្អូនស្រី ណន ស្រីពេជ (អត្តលេខ ១១៧៨៥ ផ្នែកដេរ ក្រុម ០៣) ដែលបានជួបគ្រោះថ្នាក់ចរាចរណ៍ និងកំពុងសម្រាកព្យាបាលនៅមន្ទីរពេទ្យ។ តាមរយៈស្មារតីសាមគ្គីភាព ការចែករំលែក និងទឹកចិត្តមនុស្សធម៌ពីបងប្អូនកម្មករនិយោជិតទាំងអស់ ថវិកាសប្បុរសធម៌សរុបចំនួន ២០៧,៤០០ រៀល ត្រូវបានប្រមូល និងនាំយកទៅប្រគល់ជូនគ្រួសារជនរងគ្រោះ ដើម្បីជួយសម្រាលបន្ទុកក្នុងការព្យាបាល និងជីវភាពប្រចាំថ្ងៃ។ ក្នុងឱកាសនេះ ក្រុមការងារសហជីព សូមថ្លែងអំណរគុណយ៉ាងស្មោះស្ម័គ្រ និងជ្រាលជ្រៅចំពោះបងប្អូនកម្មករនិយោជិតទាំងអស់ ដែលបានលះបង់ថវិកាផ្ទាល់ខ្លួនចូលរួមឧបត្ថម្ភ ដោយបានបង្ហាញឱ្យឃើញពីសាមគ្គីភាព ភាតរភាព និងវប្បធម៌ជួយគ្នាទៅវិញទៅមកក្នុងគ្រាលំបាក។ ទង្វើដ៏ប្រពៃនេះ គឺជាកម្លាំងចិត្តដ៏មានតម្លៃសម្រាប់ជនរងគ្រោះ និងជាការឆ្លុះបញ្ចាំងពីភាពរួបរួមរឹងមាំរវាងបងប...