កំពង់ស្ពឺ៖ នៅថ្ងៃទី២៦ ខែមករា ឆ្នាំ២០២៦ ដោយមានការអនុញ្ញាតពីលោក លី វិចិត្រ ប្រធានសហព័ន្ធសហជីពកម្លាំងចិត្តកម្មករកម្ពុជា តំណាងសហជីពកម្លាំងចិត្តកម្មករកម្ពុជា ប្រចាំក្រុមហ៊ុន ស៊ីយីហ្វេង ស្ព័តធីង ហ្គូដស៍ ដែលមានអាសយដ្ឋាននៅភូមិសង្គ្រោះជាតិ ឃុំត្រពាំងគង ស្រុកសំរោងទង ខេត្តកំពង់ស្ពឺ ។ បានរៃអង្គាសទឹកប្រាក់ចំនួន៣៣០,៣០០រៀលជូនបងស្រីម្នាក់ឈ្មោះ ថា ស្រីនុត អត្តលេខ១២០៨ ក្រុមដេរពីរ រស់នៅភូមិ ត្រពាំងត្របែក ឃុំ រុងរឿង ស្រុកថ្ពង ខេត្តកំពង់ស្ពឺ មូលហេតុឪពុករបស់គាត់បានទទួលមរណភាពដោយសារជំងឺរោគាពាទ។ នាឱកាសនោះសហជីពកម្លាំងចិត្តកម្មករកម្ពុជា ប្រចាំក្រុមហ៊ុន ស៊ីយីហ្វេង ស្ព័តធីង ហ្គូដស៍ សូមអគុណដល់បងប្អូនកម្មករ-កម្មការនីដែលតែងតែចូលរួមជាថវិកាផ្ទាល់ខ្លួនតាមសន្ធាជ្រះថ្លារបស់បងប្អូននិងសូមជូនពរដល់សមាជិកទាំងអស់ឱ្យជួបតែសំណាងល្អនិងបុណ្យកុសលស្មើៗគ្នា៕

កំពង់ស្ពឺ៖ នៅថ្ងៃទី២៦ ខែមករា ឆ្នាំ២០២៦ ដោយមានការអនុញ្ញាតពីលោក លី វិចិត្រ ប្រធានសហព័ន្ធសហជីពទឹកចិត្តកម្មករកម្ពុជា តំណាងសហជីពទឹកចិត្តកម្មករកម្ពុជា ប្រចាំក្រុមហ៊ុន ប្រាយម៍ ស្ទីតធ៍  ឯ.ក CO., LTD ដែលមានអាសយដ្ឋាននៅ ភូមិក្រឡាញ់ សង្កាត់វាលពង់ ក្រុងឧដុង្គមានជ័យ ខេត្តកំពុងស្ពឺ ។ បានរៃអង្គាសថវិកាចំនួន១៧៥,៦០០រៀលជូនបងស្រីម្នាក់ឈ្មោះ ភិន ស្រីលាប បម្រើការងារផ្នែកដេរ អត្តលេខAT 01899 មូលហេតុដោយសារ ឪពុកក្មេកស្លាប់។ ថវិការទាំងអស់បានមកពីការរៃអង្គាសពីបងប្អូនកម្មករ-កម្មករនីប្រចាំក្រុមហ៊ុន ប្រាយម៍ ស្ទីតធ៍ ឯ.ក CO., LTD។ ឆ្លៀតឱកាសនោះ តំណាងសហជីពទឹកចិត្តកម្មករកម្ពុជា ប្រចាំក្រុមហ៊ុន ប្រាយម៍ ស្ទីតធ៍  ឯ.ក CO., LTD។ សូមចូលរួមរំលែកទុក្ខដល់គ្រួសារប្អូនស្រី និងសូមអរគុណដល់បងប្អូនកម្មករ កម្មការិនីប្រចាំក្រុម ប្រាយម៍ ស្ទីតធ៍ ឯ.ក CO., LTD។ ទាំងអស់ដែលតែងតែចូលរួមជាថវិកាផ្ទាល់ខ្លួនតាមសន្ធាជ្រះថ្លារបស់បងប្អូនដើម្បីជួយគ្នាទៅវិញទៅមក និងសូមជូនពរដល់បងប្អូនទាំងអស់ជួបតែសេចក្ដីសុខនិងជូនបុណ្យកុសលដល់បងប្អូនស្មើៗគ្នា៕

នៅថ្ងៃទី២៦ ខែមករា ឆ្នាំ២០២៦ ក្រុមហ៊ុន ធី & អិល (ខេមបូឌា) ហ៊ែនប៊ែក អ៊ិនដាសស្ទ្រៀល ឯ.ក ដែលមានទីតាំងនៅក្នុងខេត្តកំពង់ស្ពឺ រួមនិង លោក អ៊ឹម ឌីណា ព្រមទាំងក្រុមការងារ តំណាងថ្នាក់ដឹកនាំសហព័​ន្ធសហជីពទឹកចិត្តកម្មករកម្ពុជា ប្រចាំនៅក្រុមហ៊ុន ធី & អិល (ខេមបូឌា) ហ៊ែនប៊ែក អ៊ិនដាសស្ទ្រៀល ឯ.ក បាននាំយកគ្រឿងឧបភោគបរិភោគមួយចំនួន ឧបត្ថម្ភជូនវីរៈកងទ័ពជួរមុខ និងជនភៀសសឹក តាមរយៈក្រសួងការងារនិងបណ្តុះបណ្តាលវិជ្ជាជីវៈ។ គ្រឿងឧបភោគបរិភោគ រួមមាន៖ ១. អង្ករមានចំនួន ២០បេ (ក្នុង១បេមានទម្ងន់ ២៥គីឡូក្រាម) ២. ទឹកត្រីមានចំនួន ១០យួរ ៣. ត្រីខកំប៉ុងមានចំនួន ១០យួរ ៤. ទឹកដោះគោមានចំនួន ១០កេស ។