ខេត្តតាកែវ៖ កាលពីថ្ងៃទី២៧ ខែកក្កដា ឆ្នាំ២០២៦ លោក គឹម ទី តំណាងសហជីពប្រចាំក្រុមហ៊ុន ចុងវុី (ខេមបូឌា) មេនូហ្វេកឆឺរីង ឯ.ក (ស្ថិតនៅភូមិឃ្លាំងសម្បត្តិ ឃុំពត់សរ ស្រុកបាទី ខេត្តតាកែវ) តំណាងឱ្យលោក ឡាយ ផល្លី ប្រធានសហព័ន្ធសហជីពទឹកចិត្តយុវជនកម្ពុជា បាននាំយកថវិកាចំនួន ២៥២,០០0 រៀល ទៅប្រគល់ជូនកម្មការិនី ឡយ យ៉ា (អត្តលេខ ៧۰۰៥០ ផ្នែកបិទកាវ)។

ថវិកាមនុស្សធម៌នេះ ត្រូវបានរៃអង្គាសឡើងដើម្បីចូលរួមសម្រាលបន្ទុកគ្រួសារលោកស្រី ឡយ យ៉ា ដែលបច្ចុប្បន្នកូនស្រីរបស់គាត់កំពុងមានជំងឺគាំងបេះដូង និងកំពុងសម្រាកព្យាបាលនៅមន្ទីរពេទ្យ។

តំណាងសហជីព ក៏បានសម្តែងនូវការអរគុណយ៉ាងជ្រាលជ្រៅចំពោះទឹកចិត្តសប្បុរសធម៌របស់បងប្អូនកម្មករនិយោជិតទាំងអស់ ដែលបានរួមគ្នាយកអាសា និងជួយសហការគ្នានៅពេលជួបទុក្ខលំបាកបែបនេះ។ ព្រមទាំងបានជូនពរដល់បងប្អូនទាំងអស់ជួបប្រទះតែសេចក្តីសុខ សុខភាពល្អ និងទទួលបានបុណ្យកុសលស្មើៗគ្នា។