កំពង់ស្ពឺ៖ នៅថ្ងៃទី១៦ ខែមករា ឆ្នាំ២០២៥ ដោយមានការអនុញ្ញាតពីលោក លី សុផាន ប្រធានសហព័ន្ធសហជីពជំនឿចិត្តកម្មករកម្ពុជា លោក នុច រ៉ុង និងក្រុមការងារតំណាងសហជីពជំនឿចិត្ដកម្មករកម្ពុជា នៃក្រុមហ៊ុន វេម ហ្វា ហ៊ែនប៊ែក (ខេមបូឌា) ឯ.ក ដែលមានទីតាំងស្ថិតនៅភូមិត្រពាំងឈូក ឃុំបសេដ្ឋ ស្រុកបសេដ្ឋ ខេត្តកំពង់ស្ពឺ បានប្រគល់ថវិកាឧបត្ថម្ភចំនួន ២៤១,៨០០រៀល ជូនសមាជិកដែលកំពុងជួបទុក្ខលំបាកដូចខាងក្រោម៖
១ ឈ្មោះ លន់ សុខឃៀ ភេទប្រុស អត្តលេខ D0324 មុខងារលាបទឹកថ្នាំ ក្រុមB មូលហេតុឪពុករបស់គាត់បានទទួលមរណៈភាព ទទួលបានថវិកាបានពីការរៃអង្គាសចំនួន ១៤១,៨០០រៀល និងទី២ ឈ្មោះ សឿម គឹមសាត ភេទស្រី អត្តលេខ L0025 មុខងារដេរ ក្រុមA1 មូលហេតុសម្រាលកូន ទទួលបានប្រាក់ឧបត្ថម្ភចំនួន ១០០,០០០រៀល។
លោក នុច រ៉ុង តំណាងសហជីពជំនឿចិត្តកម្មករកម្ពុជា សូមថ្លែងអំណរគុណដល់បងប្អូនកម្មករ-កម្មការិនីប្រចាំក្រុមហ៊ុន វេម ហ្វា ហ៊ែនប៊ែក (ខេមបូឌា) ឯ.ក ទាំងអស់ដែលតែងតែចែករំលែកនូវថវិការបស់ខ្លួនក្នុងការជួយទុក្ខធុរៈគ្នាទៅវិញទៅមក៕
