កំពង់ស្ពឺ៖នៅថ្ងៃទី១៨ ខែធ្នូ ឆ្នាំ២០២៣ សហជីពទឹកចិត្ដកម្មករកម្ពុជា នៅក្រុមហ៊ុន វេនធូរ៉ា លេឌើរវែរ អឹម អេហ្វវ៉ាយ (ស៊ីឌី) ឯ.ក ទីតាំងស្ថិតនៅផ្លូវជាតិ៤១ ភូមិវាលវង់ ឃុំសែដី ស្រុកសំរោងទង ខេត្តកំពង់ស្ពឺ តំណាងឯកឧត្តម លី វិចិត្រ ប្រធានសហភាពសហជីពសុភមង្គលកម្មករកម្ពុជា និងជាប្រធានសហព័ន្ធសហជីពទឹកចិត្តកម្មករកម្ពុជា បាននាំយកថវិការៃអង្គាសចូលរួមរំលែកទុក្ខដល់ក្រុមគ្រួសារកម្មករឈ្មោះ ខេម  វ៉ឹត អត្ថលេខ ២០០៧៥ ក្រុមដេរB៩ មូលហេតុដោយសារ ឪពុករបស់គាត់បានទទួលមរណៈភាព ដោយជំងឺរោគាពាធ នៅភូមិដំណាក់ត្រាច ឃុំដំបូករូង ស្រុកភ្នំស្រួច ខេត្តកំពង់ស្ពឺ ថវិការប្រគល់ជូនក្រុមគ្រួសារគាត់មានចំនួនទឹកប្រាក់សរុប ២៤១,៧០០រៀល៕

រាជធានីភ្នំពេញ៖ នៅព្រឹកថ្ងៃទី១៧ ខែធ្នូ ឆ្នាំ២០២៣ ឯកឧត្ដម លី វិចិត្រ ប្រធានសហភាពសុភមង្គលកម្មករកម្ពុជា បានដឹកនាំប្រជុំប្រចាំខែធ្នូ ឆ្នាំ២០២៣ និងលើកទិសដៅសម្រាប់ខែមករា ឆ្នាំ២០២៤ ជាមួយមន្រ្ដីសហភាព និងថ្នាក់ដឹកនាំសហព័ន្ធដែលជាសមាជិករបស់សហភាព។ ឯកឧត្ដម លី វិចិត្រ បានសង្កត់ធ្ងន់ក្នុងចុះពង្រឹងតាមសហជីពមូលដ្ឋាន ឱ្យស្វែងយល់បន្ថែមពីបទបញ្ញត្តិថ្មីៗ ជាងនេះទៅទៀតមន្រ្ដីសហព័ន្ធដែលមានសហជីពមូលដ្ឋានទាំងអស់ត្រូវជម្រុញក្នុងការចរចារៀបចំធ្វើភាពជាតំណាងបំផុត និងអនុសញ្ញារួមតាមគោលដៅដែលខ្លួនកំពុងកាន់។ បន្ថែមពីនេះត្រូវធ្វើការផ្សព្វផ្សាយពីគុណប្រយោជន៍ និងស្នារដៃការងារដែលថ្នាក់ដឹកនាំសហជីពមូលដ្ឋានបានធ្វើកន្លងមកដល់បងប្អូនសមាជិកដទៃទៀតឱ្យបានដឹងជាព័ត៌មាន៕

រាជធានីភ្នំពេញ៖ នៅល្ងាចថ្ងៃទី១៦ ខែធ្នូ ឆ្នាំ២០២៣ ឯកឧត្ដម លី វិចិត្រ ប្រធានសហភាពសុភមង្គលកម្មករកម្ពុជា និងជាអនុប្រធានសភាសម្ព័ន្ធសហជីពជាតិកម្ពុជានៃសហភាពសហព័ន្ធយុវជនកម្ពុជា បានដឹកនាំក្រុមការងារចូលរួមអបអរសាទរខួបទី៤៥ ថ្ងៃកំណើតសហភាពសហព័ន្ធយុវជនកម្ពុជា ០២ ធ្នូ ១៩៧៨ - ០២ ធ្នូ ២០២៣ នៅពហុកីឡដ្ឋានជាតិអូឡាំពិក។ សភាសម្ព័ន្ធសហជីពជាតិកម្ពុជានៃសហភាពសហព័ន្ធយុវជនកម្ពុជាក៏មានស្ដង់បង្ហាញពីស្នារដៃរបស់ខ្លួន ក្នុងពិព័រណ៍ ស.ស.យ.ក ផងដែរ៕

កំពង់ស្ពឺ៖ នៅថ្ងៃទី១៤ ខែធ្នូ ឆ្នាំ២០២៣ បងប្អូនកម្មករ កម្មការិនីនៃក្រុមហ៊ុន យូនៀន លេឌើរវែរ អឹម.អេហ្វ.វ៉ាយ ឯ.ក និងក្រុមហ៊ុន មីឡានណា លេឌើរវែរ អឹម.អេហ្វ.វ៉ាយ (ខេមបូឌា) ឯ.ក នៅភូមិក្របីត្រាំ ឃុំជង្រុក ស្រុកគងពិសី ខេត្ដកំពង់ស្ពឺ បានចូលរួមជាបច្ច័យជាមួយមូលនិធិសប្បុរសធម៌ដើម្បីសុភមង្គលកម្មករ ដើម្បីយកទៅទិញបង្គោលភ្លើង និងអំពូលសូឡឺ ដាក់បំភ្លឺផ្លូវចូលវត្ដសិលាចរិក (ហៅវត្ដក្ដីត្រឹប) ចាប់ពីផ្លូវជាតិលេខ១ ចូលមកដល់ខ្លោងទ្វារវត្ដចំងាយ ២,៥០០ ម៉ែត្រ ដែលស្ថិតនៅភូមិព្រំខ្សាច់ ឃុំល្វា ស្រុកព្រះស្ដេច ខេត្ដព្រៃវែង។ បច្ច័យប្រមូលបានពីកម្មករ កម្មការិនី ទាំងពីរក្រុមហ៊ុន មានចំនួន ១២៤,៨០០រៀល៕

ភ្នំពេញ៖នៅព្រឹកថ្ងៃទី១៤ ខែធ្នូ ឆ្នាំ២០២៣ តំណាងសហជីពទឹកចិត្ដកម្មករកម្ពុជា​ និងតំណាងសហជីពកម្លាំងចិត្ដយុវជនកម្ពុជា នៅក្រុមហ៊ុន អ៉ីស្ដក្រោន ហ៊្វូតវែរ អ៉ិនដាសស្រ្ទី ឯ.ក ស្ថិតនៅភូមិរកា សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ បាននាំយកថវិការៃអង្គាសចំនួន ១៧១,១០០រៀល ជួយដល់កម្មករឈ្មោះ សន ធារ៉ា អត្ដលេខ ៤២៤៧ ផ្នែកលាងបាត១ ដោយម្ដាយរបស់គាត់មានជំងឺបេះដូងធ្ងន់ធ្ងរត្រូវការវះកាត់។ តំណាងសហជីពទាំងពីរ ក៏សូមថ្លែងអំណរគុណចំពោះបងប្អូនបុគ្គលិក កម្មករក្រុមហ៊ុនអ៉ីស្ដក្រោនទាំងអស់គ្នា ដែលបានសហការមិនថាបងប្អូនយើងជួបទុក្ខលំបាកឬក៏មានបញ្ហាអ្វីៗក៏ដោយ ក៏បងប្អូនយើង តែងតែចែករំលែកនូវថវិកាផ្ទាល់ខ្លួន តិចក្តីច្រើនក្តី ជាសទ្ធាជ្រះថ្លារបស់បងប្អូនយើង សូមជូនពរបងប្អូនទាំងអស់គ្នា ជួបតែពុទ្ធពរទាំង បួន ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕

កំពង់ស្ពឺ៖ នៅថ្ងៃទី១៣ ខែធ្នូ ឆ្នាំ២០២៣ លោក អ៉ឹម ឌីណា មន្រ្ដីសហភាពសហជីពសុភមង្គលកម្មករកម្ពុជា បានចុះសួរសុខទុក្ខដល់ថ្នាក់ដឹកនាំសហជីពទឹកចិត្ដកម្មករកម្ពុជា នៅក្រុមហ៊ុន ទៀន ថេកស្ថាយ (ខេមបូឌា) ឯ.ក និងសម្របសម្រួលជាមួយខាងក្រុមហ៊ុន និងបងប្អូនកម្មករអំពីបញ្ហាកម្មករមួយចំនួនចូលធ្វើការយឺតម៉ោង នៅភូមិដូនកែវ ឃុំសែនដី ស្រុកសំរោងទង ខេត្ដកំពង់ស្ពឺ៕

កំពង់ស្ពឺ៖ នៅថ្ងៃទី១៣ ខែធ្នូ ឆ្នាំ២០២៣ ដោយមានការអនុញ្ញាតិពី ឯកឧត្ដម លី វិចិត្រ ប្រធានសហភាពសហជីពសុភមង្គលកម្មករកម្ពុជា លោក សូត្រ សុជាតិ មន្រ្ដីសហភាពសហជីពសុភមង្គលកម្មករកម្ពុជា បានចុះទៅសួរសុខទុក្ខសមាជិកសហជីព និងថ្នាក់ដឹកនាំសហជីពទឹកចិត្ដកម្មករកម្ពុជា នៅក្រុមហ៊ុន ហ៊ីរ៉ូតា (ខេមបូឌា) ហ្គាម៉ិន ស្ថិតនៅភូមិចំបក់ ឃុំវល្លិ៍សរ ស្រុកសំរោងទង ខេត្តកំពង់ស្ពឺ។ នាឱកាសនោះ លោក សូត្រ សុជាតិ ក៏បានឱ្យសមាជិកសហជីពទឹកចិត្ដកម្មករ នៃក្រុមហ៊ុន ហ៊ីរ៉ូតា (ខេមបូឌា) ហ្គាម៉ិន ដែលមានចំនួនប្រមាណជាង៨០% ស្ម័គ្រចិត្ដផ្ដិតមេដៃកាត់ប្រាក់ឈ្នួល និងឱ្យខាងក្រុមហ៊ុនបញ្ជាក់អំពីសមាជិកភាពសហជីព ដើម្បីរៀបចំឯកសារស្នើសុំបន្ដសុពលភាពនៃភាពជាតំណាង របស់ក្រុមហ៊ុន ហ៊ីរ៉ូតា (ខេមបូឌា) ហ្គាម៉ិន៕

កំពង់ស្ពឺ៖ នៅថ្ងៃទី១៣ ខែធ្នូ ឆ្នាំ២០២៣ បងប្អូនកម្មករ កម្មការិនីនៃក្រុមហ៊ុន ញ៉ូ អេធីធី​ ស៊ូ ម៉េកឃីង (ខេមបូឌា) ឯ.ក នៅភូមិរំដួល ឃុំត្រពាំងគង ស្រុកសំរោងទង ខេត្ដកំពង់ស្ពឺ បានចូលរួមជាបច្ច័យជាមួយមូលនិធិសប្បុរសធម៌ដើម្បីសុភមង្គលកម្មករ ដើម្បីយកទៅទិញបង្គោលភ្លើង និងអំពូលសូឡឺ ដាក់បំភ្លឺផ្លូវចូលវត្ដសិលាចរិក (ហៅវត្ដក្ដីត្រឹប) ចាប់ពីផ្លូវជាតិលេខ១ ចូលមកដល់ខ្លោងទ្វារវត្ដចំងាយ ២,៥០ ម៉ែត្រ ដែលស្ថិតនៅភូមិព្រំខ្សាច់ ឃុំល្វា ស្រុកព្រះស្ដេច ខេត្ដព្រៃវែង។ បច្ច័យប្រមូលបានពីកម្មករ កម្មការិនី ប្រចាំក្រុមហ៊ុន ញ៉ូ អេធីធី​ ស៊ូ ម៉េកឃីង (ខេមបូឌា) ឯ.ក ចូលរួមជាបច្ច័យចំនួន ១០៧,៦០០រៀល៕

កណ្តាល៖ នៅថ្ងៃទី១២ ខែធ្នូ ឆ្នាំ២០២៣ ដោយមានការអនុញ្ញាតិពី ឯកឧត្ដម លី វិចិត្រ ប្រធានសហភាពសហជីពសុភមង្គលកម្មករកម្ពុជា លោក សែ ចិត មន្រ្ដីសហភាពសហជីពសុភមង្គលកម្មករកម្ពុជា បានចុះទៅសួរសុខទុក្ខសមាជិកសហជីព និងថ្នាក់ដឹកនាំសហជីពទឹកចិត្ដកម្មករកម្ពុជា នៅក្រុមហ៊ុន អេស្ទើរ ស្កាយ ហ្គាម៉ិន ឯ.ក ស្ថិតនៅភូមិស្វាយជ្រុំ ឃុំបែកចាន ស្រុកអង្គស្នួល ខេត្ដកណ្ដាល។ នាឱកាសនោះ លោក សែ ចិត ក៏បានឱ្យសមាជិកសហជីពទឹកចិត្ដកម្មករ នៃក្រុមហ៊ុន អេស្ទើរ ស្កាយ ហ្គាម៉ិន ឯ.ក ដែលមានចំនួនប្រមាណជាង៧០% ស្ម័គ្រចិត្ដផ្ដិតមេដៃកាត់ប្រាក់ឈ្នួល និងឱ្យខាងក្រុមហ៊ុនបញ្ជាក់អំពីសមាជិកភាពសហជីព ដើម្បីរៀបចំឯកសារស្នើសុំភាពជាតំណាងនៃក្រុមហ៊ុន អេស្ទើរ ស្កាយ ហ្គាម៉ិន ឯ.ក៕

កំពង់ស្ពឺ៖ ថ្ងៃទី១១ ខែធ្នូ ឆ្នាំ២០២៣ លោក ហ៊ឺ សាណែត ប្រធានសហជីពទឹកចិត្ដយុវជនកម្ពុជា, លោក ហុង ពុធ អនុប្រធានសហជីពទឹកចិត្ដយុវជនកម្ពុជា និងលោកស្រី អ៉ី ចន្ធី លេខាធិការិនីសហជីពទឹកចិត្ដយុវជនកម្ពុជា បានប្រគល់ថវិការៃអង្គាសពីបងប្អូនកម្មករ កម្មការនីនៅក្នុងក្រុមហ៊ុន ហ្គោលដេន ប៊ីលាន (ខេមបូឌា) ហ៊ែនប៊ែក ឯ.ក ស្ថិតនៅភូមិសង្រ្គោះជាតិ ឃុំត្រពាំងគង ស្រុកសំរោងទង ខេត្ដកំពង់ស្ពឺ ជូនដល់ប្អូនស្រីម្នាក់ជាសមាជិកចំនួន ៣២០,០០០រៀល ដែលឪពុករបស់ប្អូនស្រីទទួលមរណៈភាពដោយជម្ងឺប្រចាំកាយ៕

ភ្នំពេញ៖ នៅព្រឹកថ្ងៃទី១២ ខែធ្នូ ឆ្នាំ២០២៣ សហភាពសហព័ន្ធយុវជនកម្ពុជានៃសភាសម្ព័ន្ធសហជីពជាតិកម្ពុជា បានរៀបចំកិច្ចប្រជុំបូកសរុបការងារសម្រេចបានឆ្នាំ២០២៣ និងលើកទិសដៅបន្ដឆ្នាំ២០២៤ ក្រោមអធិបតីភាព ឯកឧត្ដម សោម អូន សមាជិកអចិន្ត្រៃយ៍ ស.ស.យ.ក និងជាប្រធានកិត្តិយសសភាសម្ព័ន្ធសហជីពជាតិកម្ពុជា ស្ថិតនៅភូមិទ្រុងមាន់ សង្កាត់អូរបែកក្អម ខណ្ឌសែនសុខ រាជធានីភ្នំពេញ។ នាក្នុងឱ្យកាសនោះ ឯកឧត្ដម សោម អូន ក៏បានជម្រុញឱ្យបងប្អូនជាសមាជិកនៃសភាសម្ព័ន្ធសហជីពជាតិកម្ពុជាជួយផ្សព្វផ្សាយ និងបំផុសចលនាដល់បងប្អូនសហជីព កម្មករ ចូលរួមខួបលើកទី៤៥ឆ្នាំ ថ្ងៃកំណើតសហភាពសហព័ន្ធយុវជនកម្ពុជា ដែលប្រព្រឹត្ដិទៅនៅថ្ងៃទី១៦ ខែធ្នូ ឆ្នាំ២០២៣ខាងមុខនេះ នៅស្តាតអូឡាំពិក៕

កំពង់ស្ពឺ៖ នៅថ្ងៃ១២ ខែធ្នូ ឆ្នាំ២០២៣ លោកស្រី ចាន់ ផល្លា ប្រធានសហជីពទឹកចិត្ដកម្មករកម្ពុជា នៅក្រុមហ៊ុន ហ៊ីរ៉ូតា ស្ថិតនៅភូមិចំបក់ ឃុំវល្លិសរ ស្រុកសំរោងទង ខេត្ដកំពង់ស្ពឺ បានបន្ដការផ្សព្វផ្សាយពីគោលនយោបាយសហជីពប្រចាំក្រុមហ៊ុន និងនិតិវិធីការដោះស្រាយវិវាទ ការប្រមូលសមាជិក និងអត្ថប្រយោជន៍ដែលសមាជិកថ្មីទទួលបានក្រោយពីចូលជាសមាជិកសហជីពទឹកចិត្ដកម្មករកម្ពុជា នៃក្រុមហ៊ុន ហ៊ីរ៉ូតា។  ក្នុងឱកាសនោះផងដែល ក៏មានបងប្អូនកម្មករស្ម័គ្រចិត្ដផ្ដិតមេដៃចូលជាសមាជិកសហជីពទឹកចិត្ដកម្មករកម្ពុជាចំនួន ២១នាក់ផងដែរ៕

កំពង់ឆ្នាំង៖ នៅរសៀលថ្ងៃទី១២ ខែធ្នូ ឆ្នាំ២០២៣ កម្មករ កម្មការិនី នៃក្រុមហ៊ុន ខាយណេង លេឌើរ ប្រដាក់ (ខេមបូឌា) ឯ.ក ស្ថិតនៅភូមិផ្សារត្រាច ឃុំលង្វែក ស្រុកកំពង់ត្រឡាច ខេត្ដកំពង់ឆ្នាំង បានចូលរួមជាបច្ច័យជាមួយមូលនិធិសប្បុរសធម៌ដើម្បីសុភមង្គលកម្មករ ដើម្បីយកទៅទិញបង្គោលភ្លើង និងអំពូលសូឡឺ ដាក់បំភ្លឺផ្លូវចូលវត្ដសិលាចរិក (ហៅវត្ដក្ដីត្រឹប) ចាប់ពីផ្លូវជាតិលេខ១ ចូលមកដល់ខ្លោងទ្វារវត្ដចំងាយ ២,៥០០ម៉ែត្រ ដែលស្ថិតនៅភូមិព្រំខ្សាច់ ឃុំល្វា ស្រុកព្រះស្ដេច ខេត្ដព្រៃវែង។ បច្ច័យប្រមូលបានពីកម្មករ កម្មការិនី ប្រចាំក្រុមហ៊ុន ខាយណេង លេឌើរ ប្រដាក់ (ខេមបូឌា) ឯ.ក ចូលរួមជាបច្ច័យចំនួន ២០០,០០០រៀល៕

កំពង់ស្ពឺ៖ នៅថ្ងៃទី១២ ខែធ្នូ ឆ្នាំ២០២៣ តំណាងសហជីពទឹកចិត្ដកម្មករកម្ពុជា នៃក្រុមហ៊ុន ស៊ីអិនឌឺហ្រ្គី អ៉ិនធើណេសិនណល (ខេអេច) ឯ.ក បានជួបប្រជុំពិភាក្សាជាមួយមន្រ្ដីមន្ទីរការងារ និងបណ្ដុះបណ្ដាលវិជ្ជាជីវៈ ខេត្ដកំពង់ស្ពឺ និងខាងក្រុមហ៊ុន ដើម្បីពិនិត្យមើលលើការព្យួរកិច្ចសន្យាការងារកម្មករ កម្មការិនី ក្នុងក្រុមហ៊ុន ស៊ីអិនឌឺហ្រ្គី អ៉ិនធើណេសិនណល (ខេអេច) ឯ.ក ដែលមានទីតាំងស្ថិតនៅភូមិតាម៉ុល សង្កាត់ច្បារមន ក្រុងច្បារមន ខេត្ដកំពង់ស្ពឺ។ នាឱកាសនោះ ក្រុមហ៊ុនក៏បានពន្យល់អំពីស្ថានភាពជាក់ស្ដែងរបស់ក្រុមហ៊ុន ទៅកាន់មន្រ្ដីពាក់ព័ន្ធ និងតំណាងសហជីពឱ្យបានដឹងលឺ ព្រោះបច្ចុប្បន្នក្រុមហ៊ុនខ្វះអ្នកបញ្ជាទិញ និងការបញ្ជាទិញពុំមានគ្រប់គ្រាន់ ដែលជាហេតុមិនអាចឱ្យសង្វាក់ផលិតកម្មដំណើរការបាន។ ក្រុមហ៊ុនសម្រេចចិត្ដធ្វើការព្យួរកិច្ចសន្យាការងាររបស់កម្មករនិយោជិតចំនួន ៧២៦នាក់ (ស្រី ៥៤៧នាក់) ក្នុងចំណោមកម្មករនិយោជិតសរុប ១,០៧៣នាក់ (ស្រី ៧៩១នាក់) រយៈពេលព្យួរចំនួន ៤៩ថ្ងៃ ដោយគិតចាប់ពីថ្ងៃទី១៤ ខែធ្នូ ឆ្នាំ២០២៣ ដល់ថ្ងៃទី៣១ ខែមករា ឆ្នាំ២០២៤។ ក្នុងរយៈពេលព្យួរកិច្ចសន្យាការងារ ក៏មានកិច្ចព្រមព្រៀងរវាងក្រុមហ៊ុន ស៊ីអិនឌឺហ្រ្គី អ៉ិនធើណេសិនណល (ខេអេច...

កំពង់ស្ពឺ៖ នៅថ្ងៃទី១២ ខែធ្នូ ឆ្នាំ២០២៣ តំណាងសហជីពជំនឿចិត្ដកម្មករកម្ពុជា នៅក្នុងក្រុមហ៊ុន ឡូរិន ហ៊្វូតវែរ ឯ.ក ស្ថិតនៅភូមិសង្រ្គោះជាតិ ឃុំត្រពាំងគង ស្រុកសំរោងទង ខេត្ដកំពង់ស្ពឺ បានផ្ដល់ប្រាក់ឧប្ថម្ភដល់សាច់ញ្ញាតិសមាជិកដែលទទួលរងគ្រោះថ្នាក់ចរាចរណ៍កាលពីថ្ងៃទី១ ខែធ្នូ ឆ្នាំ២០២៣ រហូតដល់បាត់បង់ជីវិត។ សមាជិកដែលរងគ្រោះមានឈ្មោះ ហុង លីហ័រ ភេទប្រុស អត្តលេខLR31.85 ក្រុមបាត ធ្វើការនៅក្រុមហ៊ុន ឡូរិន ហ៊្វូតវែរ ឯ.ក។ តំណាងសហជីពជំនឿចិត្ដកម្មករកម្ពុជាបានផ្ដល់ថវិកាឧប្ថម្ភជូនដល់សាច់ញ្ញាតិចំនួន ២០០,០០០រៀល និងធ្វើការរៃអង្គាសពីបងប្អូនកម្មករបានចំនួន ៣៥,០០០រៀល។ សរុបថវិកាបានចំនួន ២៣៥,០០០រៀល ជូនដល់សាច់ញ្ញាតិនៃសព៕

កំពង់ស្ពឺ៖ វេលាម៉ោងប្រមាណជា៩ព្រឹក ថ្ងៃទី១១ ខែធ្នូ ឆ្នាំ២០២៣ នៅក្រុមហ៊ុន ទៀន ថេកស្ដាយ (ខេមបូឌា) ឯ.ក ស្ថិតនៅភូមិដូនកែវ ឃុំសែនដី ស្រុកសំរោងទង ខេត្ដកំពង់ស្ពឺ មានកម្មការិនីឈ្មោះ ឃឿន ម៉ារីណា អត្ដលេខ៦៩៨ ផ្នែកតុកាត់ មានអាការៈមិនសូវស្រួលខ្លួន រៀបនឹងសន្លប់ ត្រូវបានតំណាងសហជីពទឹកចិត្ដកម្មករកម្ពុជា បញ្ជូនទៅមន្ទីពេទ្យភ្លាមៗដើម្បីពិនិត្យ និងតាមដានជម្ងឺ៕

កំពង់ស្ពឺ៖ នៅថ្ងៃទី១១ ខែធ្នូ ឆ្នាំ២០២៣ តំណាងសហជីពទឹកចិត្ដកម្មករកម្ពុជា នៃរោងចក្រ ញ៉ូ អេធីធី ស៊ូ ម៉េកឃីង (ខេមបូឌា) ឯ.ក បានចូលរួមប្រជុំពីរបៀបដោះស្រាយបញ្ហា និងបញ្ហាមួយចំនួនដែលកើតមាននាពេលកន្លងមក នៅក្រុមហ៊ុន ញ៉ូ អេធីធី ស៊ូ ម៉េកឃីង (ខេមបូឌា) ឯ.ក ស្ថិតនៅភូមិរំដួល ឃុំត្រពាំងគង ស្រុកសំរោងទង ខេត្ដកំពង់ស្ពឺ។ នាជំនួបនោះមានភាគីខាងក្រុមហ៊ុន មន្រ្ដី ILO-BFC និងតំណាងសហជីពទឹកចិត្ដកម្មករកម្ពុជាចូលរួមផងដែរ។ មន្រ្ដី ILO-BFC ក៏បានណែនាំពីរបៀបដោះស្រាយបញ្ហានៅកន្លែងការងារ និងណែនាំឱ្យតំណាងសហជីពរៀបចំឯកសារដែលកម្មករស្ម័គ្រចិត្ដផ្ដិតមេដៃចូលជាសមាជិកសហជីពទុកដាក់ឱ្យបានត្រឹមត្រូវ ដើម្បីថ្ងៃក្រោយមន្រ្ដី ILO-BFC ចុះមកពិនិត្យម្ដងទៀត៕

កណ្តាល៖ នៅថ្ងៃទី១១ ខែធ្នូ ឆ្នាំ២០២៣ ដោយមានការអនុញ្ញាតិពី ឯកឧត្ដម លី វិចិត្រ ប្រធានសហភាពសហជីពសុភមង្គលកម្មករកម្ពុជា និងជាប្រធានសហព័ន្ធសហជីពទឹកចិត្ដកម្មករកម្ពុជា លោក សូត្រ សុជាតិ មន្រ្ដីសហភាពសហជីពសុភមង្គលកម្មករកម្ពុជា បានចុះទៅសួរសុខទុក្ខថ្នាក់ដឹកនាំសហជីពទឹកចិត្ដកម្មករកម្ពុជា នៃរោងចក្រ ខេនផាក (ខេមបូឌា) ឯ.ក ស្ថិតនៅភូមិចំការស្លែង ឃុំព្រៃពួច ស្រុកអង្គស្នួល ខេត្ដកណ្ដាល។ ឆ្លៀតក្នុងឱកាសនោះ លោក សូត្រ សុជាតិ ក៏បានណែនាំទៅកាន់ថ្នាក់ដឹកនាំសហជីពមូលដ្ឋានអំពីការផ្សព្វផ្សាយគោលការណ៍សហជីពដែលជួយដល់បងប្អូនជាសមាជិក និងបានជម្រុញឱ្យថ្នាក់ដឹកនាំសហជីពជួយធ្វើការផ្សព្វផ្សាយពីអត្ថប្រយោជន៍ថ្មីៗរបស់ ប.ស.ស ដល់សមាជិក ប.ស.ស ក្នុងបន្ទុកដើម្បីកាត់បន្ថយការចំណាយពេលទៅពេទ្យព្យាបាលជម្ងឺម្ដងៗ៕

កំពង់ស្ពឺ៖ នៅរសៀលថ្ងៃទី០៩ ខែធ្នូ ឆ្នាំ២០២៣ ក្រុមហ៊ុន ស៊ីអិនឌឺហ្រ្គី អ៊ិនធើណេសិនណល (ខេអេច) ឯ.ក និងកម្មករ កម្មការិនីដែលធ្វើក្នុងក្រុមហ៊ុន ស៊ីអិនឌឺហ្រ្គី ស្ថិតនៅភូមិតាម៉ុល សង្កាត់ច្បាម៉ន ក្រុងច្បាម៉ន ខេត្ដកំពង់ស្ពឺបានចូលរួមជាបច្ច័យជាមួយមូលនិធិសប្បុរសធម៌ដើម្បីសុភមង្គលកម្មករ ដើម្បីយកទៅទិញបង្គោលភ្លើង និងអំពូលសូឡឺ ដាក់បំភ្លឺផ្លូវចូលវត្ដសិលាចរិក (ហៅវត្ដក្ដីត្រឹប) ចាប់ពីផ្លូវជាតិលេខ១ ចូលមកដល់ខ្លោងទ្វារវត្ដចំងាយ ២,៥០០ម៉ែត្រ ដែលស្ថិតនៅភូមិព្រំខ្សាច់ ឃុំល្វា ស្រុកព្រះស្ដេច ខេត្ដព្រៃវែង។ បច្ច័យប្រមូលបានរួមមាន៖ កម្មករ កម្មការិនី ប្រចាំក្រុមហ៊ុន ស៊ីអិនឌឺហ្រ្គី ចូលរួមជាបច្ច័យចំនួន ៣៦៤,៤០០រៀល ក្រុមហ៊ុន ស៊ីអិនឌឺហ្រ្គី អ៊ិនធើណេសិនណល (ខេអេច) ឯ.ក ចូលរួមជាបច្ច័យចំនួន 100$ សរុបមានចំនួន ៣៦៤,៤០០រៀល និង ១០០ដុល្លា៕

កំពង់ស្ពឺ៖ នៅថ្ងៃទី៩ ខែធ្នូ ឆ្នាំ២០២៣ ក្រុមការងារសហជីពទឹកចិត្ដកម្មករកម្ពុជា នៃក្រុមហ៊ុន ហុង ធីហ្សឺ ហ៊្វុង លេឌើរ (ខេមបូឌា) ឯ.ក ស្ថិតនៅភូមិគីរីរស្មី ឃុំព្រៃរំដួង ស្រុកភ្នំស្រួច ខេត្ដកំពង់ស្ពឺ បានធ្វើការប្រគល់ថវិកាឧបត្ថម្ភចំនួន ២៤៣,៤០០រៀល ដើម្បីជួយដល់សមាជិកម្នាក់ឈ្មោះ យ៉ឹម ប៉ឺម អត្ដលេខ FCT-1079 ផ្នែកតុកាត់ ដែលមានជម្ងឺរហូតដល់មានការវះកាត់។ បញ្ជាក់៖ ថវិកាឧបត្ថម្ភនេះបានមកពីការរៃអង្គាសពីសមាជិក និងបងប្អូនកម្មករដែលកំពុងបំរើការក្នុងក្រុមហ៊ុន ហុង ធីហ្សឺ ហ៊្វុង លេឌើរ (ខេមបូឌា) ឯ.ក៕