កណ្ដាល៖ នៅថ្ងៃទី២៦ ខែមីនា ឆ្នាំ២០២៥ ដោយមានការអនុញ្ញាតពីលោក លី វិចិត្រ ប្រធានសហព័ន្ធសហជីពទឹកចិត្ដកម្មករកម្ពុជា តំណាងសហជីពទឹកចិត្ដកម្មករកម្ពុជា ប្រចាំក្រុមហ៊ុន រ៉ុង ប៉ី ស៊ីន ហ៊ែនប៊ែក (ខេមបូឌា) ឯ.ក ដែលមានអាសយដ្ឋាននៅភូមិក្រងស្វាយ ឃុំស្វាយអំពារ ស្រុកមុខកំពូល ខេត្ដកណ្ដាល។ បានផ្ដល់ប្រាក់ឧបត្ថម្ភចំនួន ២៨៨,៨០០រៀល ជូនសមាជិកពីរនាក់ដែលសមាជិកម្នាក់ទទួលបានប្រាក់ឧបត្ថម្ភសរុបចំនួន១៤៥,៣០០រៀល ដោយមូលហេតុម្ដាយមីងរបស់គាត់បានទទួលមរណភាព និងសមាជិកម្នាក់ទៀតបានទទួលប្រាក់ឧបត្ថម្ភសរុបចំនួន ១៤៣,៥០០រៀល មូលហេតុចូលរួមបច្ច័យបុណ្យផ្កា។
ឆ្លៀតឱកាសនោះ តំណាងសហជីពទឹកចិត្ដកម្មករកម្ពុជា ប្រចាំក្រុមហ៊ុន រ៉ុង ប៉ី ស៊ីន ហ៊ែនប៊ែក (ខេមបូឌា) ឯ.ក សូមអរគុណដល់បងប្អូនកម្មករ កម្មការិនីប្រចាំក្រុមហ៊ុន រ៉ុង ប៉ី ស៊ីន ហ៊ែនប៊ែក (ខេមបូឌា) ឯ.ក ទាំងអស់បានបរិច្ចាគនូវថវិកាផ្ទាល់ខ្លួន ដើម្បីជួយគ្នាទៅវិញទៅមក និងសូមជូនពរដល់បងប្អូនទាំងអស់ជួបតែសេចក្ដីសុខនិងបានបុណ្យកុសលស្មើរៗគ្នា៕
