កណ្ដាល៖ នៅថ្ងៃទី២១ ខែកុម្ភះ ឆ្នាំ២០២៤ តំណាងសហជីពទឹកចិត្ដកម្មករកម្ពុជា ប្រចាំក្រុមហ៊ុន រ៉ុង ប៉ី ស៊ីង ហ៊ែនប៊ែក (ខេមបូឌា) ឯ.ក ស្ថិតនៅភូមិក្រងស្វាយ ឃុំស្វាយអំពារ ស្រុកមុខកំពូល ខេត្ដកណ្ដាល បានយកប្រាក់ឧបត្ថម្ភជូនកម្មការិនី ទើបសម្រាលកូនរួច, រៀបអាពាហ៍ពិពាហ៍ និងគ្រោះថ្នាក់ចរាចរណ៍ សរុបមានចំនួន ៦ នាក់ ក្នុងម្នាក់ទទួលបាន ១០០,០០០រៀល សរុបប្រាក់ឧបត្ថម្ភមានចំនួន៦០០,០០០រៀល៕

ភ្នំពេញ៖ នៅថ្ងៃទី២០ ខែកុម្ភះ ឆ្នាំ២០២៤ លោក លី វិចិត្រ ប្រធានសហភាពសហជីពសុភមង្គលកម្មករកម្ពុជា បានចេញញត្ដិគាំទ្រ ប្រសាសន៍ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ការចាប់ផ្ដើមវិធានអនុវត្ដយ៉ាងម៉ឺងម៉ាត់ នៅការប្រយុទ្ធប្រឆាំងគ្រឿងញៀន ដោយតម្រូវឱ្យគ្រប់ក្រសួង ស្ថាប័ន និងរដ្ឋបាលថ្នាក់ក្រោមជាតិ ត្រួតពិនិត្យជាប្រចាំចំពោះមន្រ្ដីរាជការស៊ីវិល មន្ត្រីនគរបាលជាតិ និងយោធិន ព្រមទាំងមន្ត្រីជាប់កិច្ចសន្យា ដែលស្ថិតក្រោមឱវាទរបស់ខ្លួន និងមានវិធានការបញ្ចប់មុខតំណែង និងបណ្តេញចេញពីក្របខណ្ឌ ករណីរកឃើញថា បានប្រើប្រាស់ និងការពាក់ព័ន្ធនឹងគ្រឿងញៀនខុសច្បាប់៕           ក្នុងនាមជាថ្នាក់ដឹកនាំ សហភាពសហជីពសុភមង្គលកម្មករកម្ពុជា តំណាងឱ្យកម្មករនិយោជិតចំនួន  ជាង៤០,៧៧៥ នាក់ នៅក្នុងវិស័យវាយនភ័ណ្ឌ យើងខ្ញុំសូមធ្វើការគាំទ្រយ៉ាងក្លៀវក្លាចំពោះការដាក់ចេញនូវបទបញ្ជា០១បប ស្តីពីការដាក់ចេញវិធានការម៉ឺងម៉ាត់ក្នុងការប្រយុទ្ធប្រឆាំងគ្រឿងញៀនខុសច្បាប់ នៅតាមក្រសួង ស្ថាប័ន និងរដ្ឋបាលថ្នាក់ក្រោមជាតិ កាលពីរសៀលថ្ងៃទី២០ ខែកុម្ភៈ ឆ្នាំ២០២៤ របស់ សម្តេចមហាបវរធិបតី ហ៊ុន    &...

ភ្នំពេញ៖ នៅថ្ងៃទី១៩ ខែកុម្ភៈ ឆ្នាំ២០២៤ ដោយមានការអនុញ្ញាតិពី ឯកឧត្ដម លី វិចិត្រ ប្រធានសហភាពសហជីពសុភមង្គលកម្មករកម្ពុជា លោក ឡាយ សំអូន ជាអនុប្រធានសហភាពសហជីពសុភមង្គលកម្មករកម្ពុជា បានដឹកនាំក្រុមការងារជួបសំណេះសំណាលជាមួយបងប្អូនកម្មករជាសមាជិកសហជីពនៅក្រុមហ៊ុន អ៉ីស្តក្រោន ហ្វូ៑តវែរ អ៉ិនដាសស្រ្ទី ឯ.ក  ស្ថិតនៅភូមិទួលរកា សង្កាត់ចាក់អង្រែក្រោម ខណ្ឌមានជ័យ ភ្នំពេញ។ នាឱកាសនោះ លោក ឡាយ សំអូន ក៏ចូលរួមអបអរសាទរចំពោះបងប្អូនកម្មករជាស្ត្រីដែលមានផ្ទៃពោះនិងបងប្អូនកម្មករទើបតែរៀបអាពាហ៍ពិពាហ៍ថ្មីថ្មោងផងដែរ។ លោក ឡាយ សំអូន ក៏បានពន្យល់បន្ថែមពីអត្ថប្រយោជន៍ពី ប.ស.ស ដែលបងប្អូនកម្មករកម្មការិនីគ្រប់រូបទទួលបានជាច្រើនជាពិសេសស្ត្រីមានផ្ទៃពោះគឺមានការគាំពារយ៉ាងយកចិត្តទុកដាក់ពីសំណាក់រាជរដ្ឋាភិបាលគឺសម្រាកកូន១ ទទួលបានប្រាក់ឧបត្ថម្ភចំនួន ៨០០,០០០រៀល, កូនភ្លោះ២ទទួលបាន១,២០០,០០០រៀល និងកូនភ្លោះ ៣ ទទួលបាន ១,៦០០,០០០រៀល ព្រមទាំងទៅពិនិត្យផ្ទៃពោះមុនសម្រាលនិងក្រោយសម្រាលសរុបចំនួន ១៤ លើកដោយក្នុងមួយលើកទទួលបានថវិកាចំនួន ៨០,០០០រៀល ទៀតផង។  ឆ្លៀតក្នុងឱកាសនោះផងដែរ លោក ឡាយ សំអូន បានផ្ដល់កិត្តិយសប្រគល់ថវិកាឧបត្ថម្ភដល់បងប្អូនកម្មករ...

កំពង់ស្ពឺ៖ នៅថ្ងៃទី១៩ ខែកុម្ភះ ឆ្នាំ២០២៤ តំណាងសហជីពទឹកចិត្ដកម្មករកម្ពុជា ប្រចាំក្រុមហ៊ុន វេនធូរ៉ា លេឌើរវែរ អឹមអេហ្វវ៉ាយ (ស៊ីឌី) ឯ.ក ស្ថិតនៅភូមិវាលវង់ ឃុំសែនដី ស្រុកសំរោងទង ខេត្ដកំពង់ស្ពឺ បានយកថវិការៃអង្គាសជូនដល់កម្មករជាសមាជិកម្នាក់ឈ្មោះ ឌឹម ឌឿន អត្តលេខ៖២៦១១១ ផ្នែQC នៅអាគារD មូលហេតុដោយសាឪពុករបស់គាត់ទទួលមរណៈភាព ក្នុងនោះប្រាក់ដែលរៃអង្គាសបានយកជូនគាត់មានចំនួន ២៥៦,២០០រៀល៕

កំពង់ស្ពឺ៖ នៅថ្ងៃទី១៩ ខែកុម្ភះ ឆ្នាំ២០២៤ តំណាងសហជីពទឹកចិត្ដកម្មករកម្ពុជា ប្រចាំក្រុមហ៊ុន ញ៉ូ អេធីធី ស៊ូ ម៉េកឃីង (ខេមបូឌា) ឯ.ក ស្ថិតនៅភូមិរំដួល ឃុំត្រពាំងគង ស្រុកសំរោងទង ខេត្ដកំពង់ស្ពឺ បានយកប្រាក់ឧបត្ថម្ភជូនកម្មការិនី ទើបសម្រាលកូនរួច ចំនួន ៤ នាក់ ក្នុងម្នាក់ទទួលបាន ៦០,០០០រៀល សរុបប្រាក់ឧបត្ថម្ភមានចំនួន២៤០,០០០រៀល៕

ភ្នំពេញ៖ នៅថ្ងៃទី១៧ ខែកុម្ភៈ ឆ្នាំ២០២៤ ឯកឧត្ដម លី វិចិត្រ ប្រធានសហភាពសហជីពសុភមង្គលកម្មករកម្ពុជា និងក្រុមការងារ បានចូលរួមពិធីសម្ភោធស្នាក់ការកណ្ដាលថ្មីរបស់សហភាពសហជីពសុភមង្គលកម្មករកម្ពុជា ដែលមានទីតាំងស្ថិតនៅបុរីកួរស្រូវ ភូមិក្រាំងស្វាយ សង្កាត់ព្រែកកំពឹស ខណ្ឌដង្កោរ រាជធានីភ្នំពេញ។ ក្នុងពិធីនោះក៏បាននិមន្ដព្រះសង្ឃធ្វើពិធីសាសនា និងសូត្រមន្ដសុំពរជ័យ សិរីសួស្ដី ផងដែរ៕

កំពង់ស្ពឺ៖ ថ្ងៃទី១៤ ខែកុម្ភៈ ឆ្នាំ២០២៤ តំណាងសហជីពទឹកចិត្ដកម្មករកម្ពុជា ប្រចាំរោងចក្រ ផឹនីនស៊្យូឡឺ អ៉ីនធើណេសិនណល ស្ថិតនៅភូមិសង្រ្គោះជាតិ ឃុំត្រពាំងគង ស្រុកសំរោងទង ខេត្ដកំពង់ស្ពឺ បាននាំយកថវិការពីការរៃអង្គាស បងប្អូនកម្មករ កម្មាការិនី ប្រចាំ រោងចក្រ ផឹនីនស៊្យូឡឺ អ៉ីនធើណេសិនណល ជូនដល់កម្មការិនី ឈ្មោះ ហៀង ណារិន អត្តលេខPR-1907 ដែលមានជីវភាពខ្វះខាត កូនកើតមកមានកាយសម្បទាមិនគ្រប់គ្រាន់ (ពិការភាព ក្បាលធំ ខុសពីកុមារទូទៅ)។ នៅថវិការដែលបានផ្ដល់ជូនគាត់មានចំនួន ២៤៤,០០០រៀល៕

កំពង់ស្ពឺ៖ នៅថ្ងៃទី៧ ខែកុម្ភៈ ឆ្នាំ២០២៤ លោកស្រី ចាន់ ផល្លា តំណាងសហជីពទឹកចិត្ដកម្មករកម្ពុជា ប្រចាំក្រុមហ៊ុន ហ៊ីរ៉ូតា (ខេមបូឌា) ហ្គាម៉ិន ស្ថិតនៅភូមិចំបក់ ឃុំវល្លិ៍ស ស្រុកសំរោងទង ខេត្ដកំពង់ស្ពឺ បានផ្ដល់ថវិកាឧបត្ថម្ភដល់គ្រួសារនៃសពដែលជាកម្មករធ្វើការនៅក្រុមហ៊ុន ហ៊ីរ៉ូតា (ខេមបូឌា) ហ្គាម៉ិន ផ្នែកL៦ ដោយមូលហេតុ ធ្វើអតិឃាតខ្លួនឯង។ ថវិកាឧបត្ថម្ភសរុបមានចំនួន ៤៧៥,៥០០រៀល និង ២០០ដុល្លា ដោយក្នុងនោះរួមមាន៖           ១. ប្រាក់រៃអង្គាសពីបងប្អូនកម្មករ-និយោជិត មានចំនួន ៤១៥,០០០រៀល           ២. ផ្នែកបុគ្គលិក និងក្រុមការងារសហជីព មានចំនួន ៦០,៥០០រៀល           ២. ខាងក្រុមហ៊ុនចូលរួមរំលែកទុក្ខ ៥០ដុល្លា           ៣. ប្រាក់ខែចុងក្រោយបាន ១៥០ដុល្លា៕

កំពង់ស្ពឺ៖ នៅរសៀលថ្ងៃសៅរ៍ទី១០ ខែកុម្ភៈ ឆ្នាំ២០២៤ លោក សែ ចិត្ត មន្ត្រីសហភាពសហជីពសុភមង្គលកម្មករកម្ពុជា បានផ្ដល់ថវិកាឧបត្ថម្ភជូនសមាជិកសហជីពជំនឿចិត្ដកម្មករកម្ពុជា ប្រចាំរោងចក្រ វេម ហ្វា ហ៊ែនប៊ែក (ខេមបូឌា) ឯ.ក ដែលមានទីតាំងស្ថិតនៅភូមិត្រពាំងឈូក ឃុំបសេដ្ឋ ស្រុកបសេដ្ឋ ខេត្ដកំពង់ស្ពឺ។ សមាជិកដែលទទួលបានថវិការឧបត្ថម្ភមានចំនួន ៤នាក់ ដែលទើបនឹងសម្រាលកូនរួច។ ដោយក្នុងម្នាក់ទទួលបានថវិកាឧបត្ថម្ភចំនួន ១០០,០០០រៀល។ សរុបទឹកប្រាក់មានចំនួន ៤០០,០០០រៀល៕

កំពង់ស្ពឺ៖ នៅថ្ងៃទី៧ ខែកុម្ភៈ ឆ្នាំ២០២៤ សហជីពកំលាំងចិត្ដកម្មករកម្ពុជា ប្រចាំក្រុមហ៊ុន វេនធូរ៉ា លេឌើរវែរ អឹមអេហ្វវ៉ាយ (ស៊ីឌី) ឯ.ក ស្ថិតនៅភូមិវាលវង់ ឃុំសែនដី ស្រុកសំរោងទង ខេត្ដកំពង់ស្ពឺ បានយកថវិការៃអង្គាសជូនដល់កម្មករម្នាក់ឈ្មោះ ឈ្មោះ អ៉ិត សៅផន ដែលម្ដាយរបស់គាត់បានទទួលមរណៈភាព ហើយទឹកប្រាក់ដែលត្រូវជូនគាត់នោះមានចំនួន ២៥០,៧០០រៀល៕

កំពង់ស្ពឺ៖ នៅថ្ងៃទី៦ ខែកុម្ភៈ ឆ្នាំ២០២៤ សហជីពទឹកចិត្ដកម្មករកម្ពុជា ប្រចាំក្រុមហ៊ុន វេនធូរ៉ា លេឌើរវែរ អឹមអេហ្វវ៉ាយ (ស៊ីឌី) ឯ.ក ស្ថិតនៅភូមិវាលវង់ ឃុំសែនដី ស្រុកសំរោងទង ខេត្ដកំពង់ស្ពឺ បានយកថវិការៃអង្គាសជូនដល់កម្មករម្នាក់ឈ្មោះ សួស សីលា អត្តលេខ៖12303 ផ្នែកលាបកាវ អគារD6 មូលហេតុដោយសាឪពុករបស់គាត់ទទួលមរណៈភាព កាលពីថ្ងៃទី២៥ ខែមករា ឆ្នាំ២០២៤ ក្នុងនោះប្រាក់ដែលរៃអង្គាសបានយកជូនគាត់មានចំនួន ២៥៤,០០០រៀល៕

កំពង់ស្ពឺ៖ នៅថ្ងៃទី៥ ខែកុម្ភៈ ឆ្នាំ២០២៤ មន្រ្ដីសហព័ន្ធសហជីពទឹកចិត្ដកម្មករកម្ពុជា ចុះចងក្រង និងរៀបចំបោះឆ្នោតបង្កើតសហជីពទឹកចិត្ដកម្មករកម្ពុជា ប្រចាំក្រុមហ៊ុន អេនយូ (ខេមបូឌា) ប៊ែក ឯ.ក ស្ថិតនៅផ្លូវជាតិលេខ៤១ ភូមិដូនកែវ ឃុំសែនដី ស្រុកសំរោងទង ខេត្ដកំពង់ស្ពឺ។ លទ្ធិផលនៃការបោះឆ្នោតបង្កើតសហជីពទឹកចិត្ដកម្មករកម្ពុជា នៃក្រុមហ៊ុន អេនយូ (ខេមបូឌា) ប៊ែក ឯ.ក ក្នុងនោះបេក្ខភាពដែលមានការគាំទ្រជាថ្នាក់ដឹកនាំមានសមាភាពដូចខាងក្រោមៈ      ១.លោក ញ៉ឹម សុខុម             ជាប្រធាន     ២.លោកស្រី ណុប ស្រីពៅ      ជាអនុប្រធាន     ៣.លោក ជូ រ៉ាគីន                ជាលេខាធិការ     ៤.លោក អ៊ីម ខ្លឹង                 ជាហេរញ្ញិក ក្រោយពីទទួលបានលទ្ធិផល ក្រុមការងារសហជីពក៏បានរៀបចំឯកសារ ជូនដំណឹងទៅដល់ស្ថាប័នដែលពាក់ព័ន្ធ និងរៀបចំឯកសា...

កំពង់ស្ពឺ៖ នៅថ្ងៃទី៥ ខែកុម្ភៈ ឆ្នាំ២០២៤ សហជីពទឹកចិត្ដកម្មករកម្ពុជា ប្រចាំក្រុមហ៊ុន វេនធូរ៉ា លេឌើរវែរ អឹមអេហ្វវ៉ាយ (ស៊ីឌី) ឯ.ក ស្ថិតនៅភូមិវាលវង់ ឃុំសែនដី ស្រុកសំរោងទង ខេត្ដកំពង់ស្ពឺ បានយកថវិការៃអង្គាសជូនដល់កម្មករម្នាក់ឈ្មោះ អ៊ុន រដ្ឋា អត្តលេខ៖០៩២២០ ផ្នែកដេរ ក្រុមC៦ មូលហេតុដោយសាឪពុករបស់គាត់ទទួលមរណៈភាព។ ក្នុងនោះប្រាក់ដែលរៃអង្គាសបានយកជូនគាត់មានចំនួន២៤៦,១០០រៀល៕

កំពង់ស្ពឺ៖ ព្រឹកថ្ងៃអាទិត្យ ទី០៤ ខែកុម្ភៈ ឆ្នាំ២០២៤ លោក សែ ចិត  និងក្រុមការងារ តំណាងសមាជិក ស.ស.យ.ក នៃសភាពសម្ព័ន្ធសហជីពជាតិកម្ពុជា បាននាំយកអំណោយ និងសំភារៈ គ្រឿងឧបភោគ នៃមូលនិធិសប្បុរសធម៌ដើម្បីសុភមង្គលកម្មករ តំណាងដ៏ខ្ពង់ខ្ពស់ ឯកឧត្តម លី វិចិត្រ ប្រធានមូលនិធិសប្បុរសធម៌ដើម្បីសុភមង្គលកម្មករ បាននាំយកអំណោយសំភារៈ និងគ្រឿងឧបភោគ ចែកជូនដល់លោកយាយ ចំនួន ២រូប គឺលោកយាយឈ្មោះ ខែក ប៊ិន អាយុ ៨៧ឆ្នាំ និងលោកយាយឈ្មោះ កុយ ផល អាយុ ៨២ឆ្នាំ ដែលមានជីវភាពខ្វះខាតគ្មានទីពឹង ដែលរស់នៅភូមិដូនអាត់ ឃុំស្គុះ ស្រុកសំរោងទង ខេត្ដកំពង់ស្ពឺ។ សំភារៈ និងគ្រឿងឧបភោគរួមមាន៖ ១. អង្ករ ២បាវទម្ងន់ ១០០គីឡូក្រាម, ២.ត្រីខ ២យួរ, ៣.ប៊ីចេង ១គីឡូក្រាម, ៤.ទឹកត្រី ១យួរ, ៥.ទឹកស៊ីអ៉ីវ ១យួរ, ៦. ស្កស ១គីឡូក្រាម, ៧.ខ្ទឹមស ១គីឡូក្រាម, ៨.គុយទាវកញ្ចប់ ១កេស, ៩.ទឹកសុទ្ធ ១កេស, ១០.ទឹកដោះគោឆៅ ១យួរ និង១១.ថវិកាចំនួន​ ៥០៣,៥០០រៀល។ សរុបជាថវិការមានចំនួន ៨៩៣,០០០រៀល៕

ភ្នំពេញ៖ នៅរសៀលថ្ងៃសៅរ៍ ទី០៣ ខែកុម្ភៈ ឆ្នាំ២០២៤ លោក ឡាយ សំអូន ជាអនុសហព័ន្ធសហជីពទឹកចិត្ដកម្មករកម្ពុជា តំណាងដ៏ខ្ពង់ខ្ពស់ ឯកឧត្តម លី វិចិត្រ ប្រធានសហព័ន្ធសហជីពទឹកចិត្ដកម្មករកម្ពុជា បានដឹកនាំក្រុមការងារជួបសំណេះសំណាលជាមួយបងប្អូនកម្មករជាសមាជិកសហជីពនៅក្រុមហ៊ុន អ៉ីស្តក្រោន ហ្វូ៑តវែរ អ៉ិនដាសស្រ្ទី ឯ.ក  ស្ថិតនៅភូមិទួលរកា សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។ នាឱកាសនោះ លោក ឡាយ សំអូន ក៏ចូលរួមអបអរសាទរចំពោះបងប្អូនកម្មករជាស្ត្រីដែលមានផ្ទៃពោះនិងបងប្អូនកម្មករទើបតែរៀបអាពាហ៍ពិពាហ៍ថ្មីថ្មោងផងដែរ។ លោក ក៏បានពន្យល់បន្ថែមពីអត្ថប្រយោជន៍ពី ប.ស.ស ដែលបងប្អូនកម្មករកម្មការិនីគ្រប់រូបទទួលបានជាច្រើនជាពិសេសស្ត្រីមានផ្ទៃពោះគឺមានការគាំពាយ៉ាងយកចិត្តទុកដាក់ពីសំណាក់រាជរដ្ឋាភិបាលគឺសម្រាលកូន១ ទទួលបានប្រាក់ឧបត្ថម្ភចំនួន ៨០០,០០០រៀល, កូនភ្លោះ២ទទួលបាន ១,២០០,០០០រៀល និងកូនភ្លោះ ៣ ទទួលបាន ១,៦០០,០០០រៀល ព្រមទាំងទៅពិនិត្យផ្ទៃពោះមុនសម្រាលនិងក្រោយសម្រាលសរុបចំនួន ១៤លើក ដោយក្នុងមួយលើកៗទទួលបានថវិកាត្រលប់មកវិញចំនួន ៨០,០០០រៀល ទៀតផង។ ឆ្លៀតក្នុងឱកាសនោះផងដែរ លោក ឡាយ សំអូន បានផ្ដល់កិត្តិយសប្រគល់ថវិកាឧបត្ថម្ភដល់បងប្អូនកម...

កំពង់ស្ពឺ៖ នៅរសៀលថ្ងៃទី៣១ ខែមករា ឆ្នាំ២០២៤ លោក សែ ចិត ប្រធានសហជីពទឹកចិត្ដកម្មករកម្ពុជា និងក្រុមការងារ ប្រចាំក្រុមហ៊ុន វេនធូរ៉ា លេឌើរវែរ អឹមអេហ្វវ៉ាយ (ស៊ីឌី) ឯ.ក ស្ថិតនៅភូមិវាលវង់ ឃុំសែនដី ស្រុកសំរោងទង ខេត្ដកំពង់ស្ពឺ តំណាងដ៏ខ្ពង់ខ្ពស់ ឯកឧត្តម លី វិចិត្រ ប្រធានសហព័ន្ធសហជីពទឹកចិត្តកម្មករកម្ពុជា បានពាំនាំយកថវិកាទៅចូលរួមបុណ្យសពកម្មករម្នាក់ឈ្មោះ នៅ សារីម អត្តលេខ១២៤៧៧ ផ្នែកដេរ ក្រុមC៥ ដែលបានស្លាប់ដោយគ្រោះថ្នាក់ចរាចរណ៍ ក្នុងនោះរួមមាន៖ ១.ថវិការៃអង្គាសមានចំនួន ៦១៨,៥០០រៀល ២.ប្រាក់ខែចុងក្រោយ ១០០ដុល្លា និង ៣១៨,២០០រៀល ៣.លោកនាយកក្រុមហ៊ុន វេនធូរ៉ា ចូលរួរំលែកទុក្ខថវិកាចំនួន ៤០០,០០០រៀល ៤.ឯកឧត្តម លី វិចិត្រ ប្រធានសហព័ន្ធសហជីពទឹកចិត្តកម្មករកម្ពុជាចូលរួមរំលែកទុក្ខថវិកាចំនួន ៤០០,០០០រៀល ថវិកាសរុបទាំងអស់មានចំនួន ១,៧៣៦,៧០០រៀល និង ១០០ដុល្លា៕

កំពង់ឆ្នាំង៖ នៅថ្ងៃទី៣១ ខែមករា ឆ្នាំ២០២៤ សហជីពទឹកចិត្ដកម្មករកម្ពុជា ប្រចាំក្រុមហ៊ុន ខាយណេង លេឌើរ ប្រដាក់ (ខេមបូឌា) ឯ.ក ស្ថិតនៅភូមិផ្សារត្រាច ឃុំលង្វែក ស្រុកកំពង់ត្រឡាច ខេត្ដកំពង់ បាននាំយកថវិការៃអង្គាសចូលរួមរំលែកទុក្ខដល់សមាជិកសហជីពចំនួន២រូប មានចំនួនថវិកាសរុប ២២០,០០០រៀល ដូចខាងក្រោម៖ ១.ឈ្មោះ ប៉ូ សល់ អត្តលេខៈ៣៦៨៦៥ ក្រុមដេរ C៣ មូលហេតុ៖ ម្ដាយស្លាប់ ស្ថិតនៅភូមិកំពង់អុស ឃុំកំពង់អុស ស្រុកពញ្ញាឭ ខេត្តកណ្តាល ថវិកាប្រគល់ជូនគាត់មានចំនួនទឹកប្រាក់ ១១០,០០០រៀល ២.ឈ្មោះ សាយ ឡង់ អត្តលេខៈ៣២៥០៩ ក្រុមទូទៅ  A២ មូលហេតុ៖ ម្ដាយស្លាប់ ស្ថិតនៅភូមិដំរិប ឃុំអភិវឌ្ឈន៍ ស្រុកទឹកផុស ខេត្តកំពង់ឆ្នាំង ថវិកាប្រគល់ជូនគាត់មានចំនួនទឹកប្រាក់ ១១០,០០០រៀល​៕

Kampong Speu: On January 31, 2024, H.E Ly Vichet, President of the Cambodian Worker’ Mind Union Federation, and hi team met with local union leader at YU JIA CHENG INTERNATIONAL COMPANY LIMITED on National Road 3, Thlok Village, Chung Ruk Commune, Kong Pisey District, Kampong Speu Province, meet and discus the work and show the composition of the leader of the Cambodian Worker’ Mind Union of s' Union of YU JIA CHENG INTERNATIONAL COMPANY LIMITED to the management of the company for official recognition. On that occasion, Hi Excellency also further explained the roles, dutie and objective such as: Protect and respect the rights, freedom and interest of the worker of the uinon member Advise member union on resolving disputes, collective bargaining with employer Contribute to the development of decent working conditions, increase productivity and skill of member worker to attract investment and create new job for the people.

កណ្ដាល៖ នៅថ្ងៃទី២៦ ខែមករា ឆ្នាំ២០២៤ តំណាងសហជីពទឹកចិត្ដកម្មករកម្ពុជា ប្រចាំរោងចក្រ រ៉ុង ប៉ី ស៊ីង ហ៊ែនប៊ែក (ខេមបូឌា) ឯ.ក ស្ថិតនៅភូមិក្រងស្វាយ ឃុំស្វាយអំពារ ស្រុកមុខកំពូល ខេត្ដ​កណ្ដាល បានពាំនាំថវិកាឧបត្ថម្ភពីសហជីពទឹកចិត្តកម្មករកម្ពុជា ចំនួន ៤៨០,០០០រៀល ប្រគល់ជូនបងប្អូនកម្មករជាសមាជិកចំនួន ៤នាក់ ដែលទើបរៀបអាពាហ៍ពិពាហ៍ និងមានផ្ទៃពោះ ដោយក្នុងម្នាក់ៗទទួលបានថវិកាឧបត្ថម្ភចំនួន ១២០,០០០រៀល៕

ភ្នំពេញ៖ នៅថ្ងៃទី២៩ ខែមករា ឆ្នាំ២០២៤ ឯកឧត្តម លី វិចិត្រ ប្រធានសហព័ន្ធសហជីពទឹកចិត្តកម្មករកម្ពុជា និងក្រុមការងារបានអញ្ជើញចុះសួរសុខទុក្ខ លោក ណែម សំអាត អនុប្រធានសហជីពទឹកចិត្ដកម្មករកម្ពុជា ប្រចាំរោងចក្រ មីឡានណា លេឌើវែរ អឹម.អេហ្វ.វ៉ាយ (ខេមបូឌា) ឯ.ក ស្ថិតនៅភូមិក្របីត្រាំ ឃុំជង្រុក ស្រុកគងពិសី ខេត្តកំពង់ស្ពឺ ដែលបានជួបគ្រោះថ្នាក់ចរាចរណ៍កាលពីសប្តាហ៍មុន បច្ចុប្បន្នកំពុងសម្រាកព្យាបាលនៅមន្ទីរពេទ្យ ព្រះកុសុមៈ (ហៅពេទ្យលោកសង្ឃ)។ ក្នុងឱកាសនោះ ឯកឧត្តមប្រធាន ក៏បានមានប្រសាសន៍ទាក់ទងនិងការធ្វើដំណើរទៅធ្វើការងារ សូមមានការប្រុងប្រយ័ត្នខ្ពស់ ត្រូវគោរពច្បាប់ចរាចរណ៍ ពាក់មួកសុវត្ថិភាពអោយបានត្រឹមត្រូវ ជៀសវាងគ្រោះថ្នាក់ជាយថាហេតុ ដែលយើងមើលមិនឃើញឧបសគ្គនៅខាងមុខនោះ។ ក្នុងការសួរសុខទុក្ខនោះផងដែរ ឯកឧត្តមប្រធាន បាននាំយកផ្លែឈើ និងថវិកាចំនួន ១០០ដុល្លា និងថវិការបស់ក្រុមហ៊ុន មីឡានណា ចំនួន ៥០ដុល្លា ដើម្បីជួយសម្រួលទុក្ខលំបាកខ្លះដល់លោក ណែម សំអាត៕